ਕੇਰਲ ਦਾ ਆਕਰਸ਼ਕ ਹਿਲ ਸਟੇਸ਼ਨ ਥੇਕੜੀ
ਕੇਰਲ ਦੇ ਇਡੁੱਕੀ ਜ਼ਿਲ੍ਹੇ ’ਚ ਸਥਿਤ ਥੇਕੜੀ ਕੇਰਲ ਦਾ ਇੱਕ ਮੁੱਖ ਹਿਲ ਸਟੇਸ਼ਨ ਹੈ ਇਹ ਸਥਾਨ ਥੇਕੜੀ ਸਮੁੰਦਰ ਤਲ ਤੋਂ ਲਗਭਗ 3300 ਫੁੱਟ ਦੀ ਉੱਚਾਈ ’ਤੇ ਵਸਿਆ ਹੈ ਕੁਦਰਤ ਦੇ ਕਰੀਬ ਹੋਣ ਦਾ ਅਹਿਸਾਸ ਦਿਵਾਉਣ ਵਾਲੀ ਇਹ ਜਗ੍ਹਾ ਲੋਕਾਂ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦੀ ਹੈ ਹਰ ਸਾਲ ਦੇਸ਼-ਵਿਦੇਸ਼ ਦੇ ਹਜ਼ਾਰਾਂ ਸੈਲਾਨੀ ਇੱਥੇ ਆਉਂਦੇ ਹਨ
ਇੱਥੋਂ ਦਾ ਸਭ ਤੋਂ ਵੱਡਾ ਆਕਰਸ਼ਣ ਇੱਥੋਂ ਦਾ ਪੇਰੀਆਰ ਵਰਲਡ ਲਾਈਫ ਸੈਂਚੁਅਰੀ ਹੈ ਜੰਗਲੀ ਜੀਵਾਂ ਨੂੰ ਕਰੀਬ ਤੋਂ ਦੇਖਣਾ ਸੱਚ ’ਚ ਇੱਕ ਰੋਮਾਂਚਿਕ ਅਨੁਭਵ ਹੈ ਇਸ ਤੋਂ ਇਲਾਵਾ ਮਸਾਲਿਆਂ ਦੇ ਉਤਪਾਦਨ ਲਈ ਵੀ ਇਹ ਸਥਾਨ ਵਿਸ਼ਵਭਰ ’ਚ ਪ੍ਰਸਿੱਧ ਹੈ ਜੇਕਰ ਤੁਸੀਂ ਕੁਦਰਤ ਦੇ ਬੇਹੱਦ ਖੂਬਸੂਰਤ ਨਜ਼ਾਰੇ ਬੇਹੱਦ ਕਰੀਬ ਤੋਂ ਦੇਖਣਾ ਚਾਹੁੰਦੇ ਹੋ ਤਾਂ ਥੇਕੜੀ ਦੀ ਸੈਰ ਜ਼ਰੂਰੀ ਕਰਨੀ ਚਾਹੀਦੀ ਹੈ ਗਰਮੀਆਂ ਦੌਰਾਨ ਪਰਿਵਾਰ ਅਤੇ ਦੋਸਤਾਂ ਨਾਲ ਇੱਕ ਕੁਆਲਿਟੀ ਟਾਈਮ ਸਪੈਂਡ ਕਰਨ ਲਈ ਇਹ ਇੱਕ ਪਰਫੈਕਟ ਡੈਸਟੀਨੇਸ਼ਨ ਹੈ
Also Read :-
Table of Contents
ਆਓ ਜਾਣਦੇ ਹਾਂ ਥੇਕੜੀ ਦੀ ਸੈਰ ਦੌਰਾਨ ਤੁਸੀਂ ਕਿਹੜੀਆਂ-ਕਿਹੜੀਆਂ ਖਾਸ ਚੀਜ਼ਾਂ ਦਾ ਆਨੰਦ ਵੀ ਜੀ ਭਰਕੇ ਲੈ ਸਕਦੇ ਹੋ-
ਪੇਰੀਆਰ ਵਰਲਡ ਲਾਈਫ ਸੈਂਚੁਰੀ:
ਪੇਰੀਆਰ ਵਰਲਡ ਲਾਈਫ ਸੈਂਚੁਰੀ ਭਾਰਤ ਦੇ ਚੁਨਿੰਦਾ ਸਭ ਤੋਂ ਖਾਸ ਰਾਸ਼ਟਰੀ ਪਾਰਕਾਂ ’ਚ ਗਿਣਿਆ ਜਾਂਦਾ ਹੈ ਦੱਖਣੀ ਭਾਰਤ ਘੁੰਮਣ ਆਏ ਸੈਲਾਨੀਆਂ ’ਚ ਇਹ ਪਾਰਕ ਕਾਫ਼ੀ ਪ੍ਰਸਿੱਧ ਹੈ ਲਗਭਗ 925 ਵਰਗ ਕਿਮੀ. ’ਚ ਫੈਲਿਆ ਇਹ ਜੰਗਲੀ ਖੇਤਰ ਅਣਗਿਣਤ ਜੰਗਲੀ ਪ੍ਰਾਣੀਆਂ ਨਾਲ ਪਹਾੜੀ ਬਨਸਪਤੀਆਂ ਨੂੰ ਸੁਰੱਖਿਅਤ ਆਸਰਾ ਦੇਣ ਦਾ ਕੰਮ ਕਰਦਾ ਹੈ ਵੈਸੇ ਤਾਂ ਤੁਸੀਂ ਇੱਥੇ ਕਈ ਜੀਵ ਜੰਤੂਆਂ ਨੂੰ ਦੇਖ ਸਕਦੇ ਹੋ ਪਰ ਇਹ ਪਾਰਕ ਇੱਕ ਵੱਡੇ ਹਾਥੀ ਰਿਜ਼ਰਵ ਅਤੇ ਇੱਕ ਚੀਤਾ ਵਰਲਡ ਲਾਈਫ ਸੈਂਚੁਅਰੀ ਲਈ ਜ਼ਿਆਦਾ ਜਾਣਿਆ ਜਾਂਦਾ ਹੈ ਇਨ੍ਹਾਂ ਵੱਡੇ ਖੇਤਰਾਂ ਨੂੰ 1982 ’ਚ ਇੱਕ ਰਾਸ਼ਟਰੀ ਪਾਰਕ ਦਾ ਦਰਜਾ ਦਿੱਤਾ ਗਿਆ ਸੀ
ਇਹ ਪਾਰਕ ਇਲਾਇਚੀ ਪਰਬਤ ਦੇ ਇੱਕ ਪਹਾੜੀ ਖੇਤਰ ’ਤੇ ਵਸਿਆ ਹੈ ਇੱਥੇ ਤੁਸੀਂ ਹਾਥੀ ਅਤੇ ਚੀਤੇ ਤੋਂ ਇਲਾਵਾ ਸਾਂਭਰ, ਜੰਗਲੀ ਸੂਰ, ਜੰਗਲੀ ਬਿੱਲੀ, ਨੀਲਗਿਰੀ, ਲੰਗੂਰ, ਭਾਰਤੀ ਵਿਸ਼ਾਲ ਗਲਿਹਰੀ, ਗੌਰ ਆਦਿ ਜੀਵਾਂ ਨੂੰ ਦੇਖ ਸਕਦੇ ਹੋ ਇਸ ਤੋਂ ਇਲਾਵਾ ਇੱਥੇ ਪੰਛੀਆਂ ਦੀਆਂ 265 ਅਤੇ ਮੱਛੀਆਂ ਦੀਆਂ 40 ਪ੍ਰਜਾਤੀਆਂ ਨਿਵਾਸ ਕਰਦੀਆਂ ਹਨ ਗਰਮੀਆਂ ਦੌਰਾਨ ਇੱਕ ਰੋਮਾਂਚਿਕ ਸਫ਼ਰ ਲਈ ਤੁਸੀਂ ਪੋਰੀਆਰ ਵਰਲਡ ਲਾਈਫ ਸੈਂਚੁਅਰੀ ਦੀ ਸੈਰ ਦਾ ਪਲਾਨ ਬਣਾ ਸਕਦੇ ਹੋ ਕਿਸ਼ਤੀ ਲੈ ਕੇ ਕਰੀਬ ਤੋਂ ਜੰਗਲੀ ਜੀਵ ਦੇਖਣ ਦਾ ਮੌਕਾ ਵੀ ਤੁਹਾਨੂੰ ਇੱਥੇ ਮਿਲ ਜਾਂਦਾ ਹੈ
ਥੇਕੜੀ ਝੀਲ ਦੀ ਸੈਰ:
ਥੇਕੜੀ ’ਚ ਤੁਸੀਂ ਜੰਗਲੀ ਜੀਵਨ ਟ੍ਰੇਕਿੰਗ ਜਾਂ ਹਾਥੀ ਸਫਾਰੀ ਜ਼ਰੀਏ ਵੀ ਦੇਖ ਸਕਦੇ ਹੋ, ਪਰ ਇਨ੍ਹਾਂ ਤੋਂ ਵੱਖ ਜੇਕਰ ਤੁਸੀਂ ਥੇਕੜੀ ਝੀਲ ਦੀ ਸੈਰ ਦੌਰਾਨ ਜੰਗਲੀ ਦੌਰਾ ਕਰੋ ਤਾਂ ਜ਼ਿਆਦਾ ਰੋਮਾਂਚਿਕ ਭਾਵਨਾ ਦਾ ਅਹਿਸਾਸ ਕਰੋਂਗੇ ਥੇਕੜੀ ਝੀਲ ਇੱਥੋਂ ਦੇ ਹਿਲ ਸਟੇਸ਼ਨ ਅਤੇ ਵਰਲਡ ਲਾਈਫ ਸੈਂਚੁਰੀ ਦੀ ਸਭ ਤੋਂ ਖਾਸ ਝੀਲ ਮੰਨੀ ਜਾਂਦੀ ਹੈ ਜੋ ਚਾਰੋਂ ਪਾਸੇ ਤੋਂ ਸੰਘਣੇ ਜੰਗਲਾਂ ਨਾਲ ਘਿਰੀ ਹੈ ਝੀਲ ਦੀ ਸੈਰ ਦੌਰਾਨ ਤੁਸੀਂ ਜੰਗਲ ਦੇ ਸਭ ਤੋਂ ਅਦਭੁੱਤ ਅਤੇ ਦੁਰਲੱਭ ਦ੍ਰਿਸ਼ਾਂ ਨੂੰ ਦੇਖ ਸਕੋਂਗੇ ਜੇਕਰ ਤੁਸੀਂ ਚਾਹੋ ਤਾਂ ਆਪਣੇ ਕੈਮਰੇ ਨਾਲ ਇੱਥੋਂ ਦੀ ਖੂਬਸੂਰਤੀ ਨੂੰ ਵੀ ਉਤਾਰ ਸਕਦੇ ਹੋ ਥੇਕੜੀ ਟੂਰ ਦੌਰਾਨ ਤੁਸੀਂ ਇੱਥੋਂ ਦੀ ਝੀਲ ਦੀ ਸੈਰ ਦਾ ਪਲਾਨ ਜ਼ਰੂਰ ਬਣਾਓ
ਅਨਕਾਰਾ:
ਉਪਰੋਕਤ ਸਥਾਨਾਂ ਤੋਂ ਇਲਾਵਾ ਤੁਸੀਂ ਜੇਕਰ ਚਾਹੋ ਤਾਂ ਇਡੁੱਕੀ ਜ਼ਿਲ੍ਹੇ ਦੇ ਅਨਕਾਰਾ ਪਿੰਡ ਦੀ ਸੈਰ ਦਾ ਪਲਾਨ ਬਣਾ ਸਕਦੇ ਹੋ ਇਡੁੱਕੀ ਵਰਲਡ ਲਾਈਫ ਸੈਂਚੁਅਰੀ ਤੋਂ ਇਹ ਖੂਬਸੂਰਤ ਪਿੰਡ 18 ਕਿਮੀ. ਦੀ ਦੂਰੀ ’ਤੇ ਸਥਿਤ ਹੈ ਅਨਾਕਾਰਾ ਲਗਭਗ 50 ਵਰਗ ਕਿਮੀ. ਦੇ ਖੇਤਰ ’ਚ ਫੈਲਿਆ ਹੈ ਜੋ ਆਪਣੇ ਮਸਾਲਿਆਂ ਦੇ ਬਾਗਾਂ ਅਤੇ ਆਕਰਸ਼ਕ ਝਰਨਿਆਂ ਲਈ ਜ਼ਿਆਦਾ ਜਾਣਿਆ ਜਾਂਦਾ ਹੈ ਕੁਦਰਤੀ ਖੂਬਸੂਰਤੀ ਦਾ ਇੱਕ ਅਨੋਖਾ ਰੂਪ ਤੁਸੀਂ ਇੱਥੇ ਆ ਕੇ ਦੇਖ ਸਕਦੇ ਹੋ ਇਡੁੱਕੀ ਜ਼ਿਲ੍ਹੇ ਦੀ ਇਸ ਖਾਸ ਮੰਜ਼ਿਲ ’ਚ ਤੁਸੀਂ ਕੁਦਰਤੀ ਖੂਬਸੂਰਤੀ ਦੇ ਨਾਲ-ਨਾਲ ਐਡਵੈਂਚਰ ਦੇ ਸ਼ੌਂਕ ਨੂੰ ਵੀ ਪੂਰਾ ਕਰ ਸਕਦੇ ਹੋ ਤੁਸੀਂ ਇੱਥੇ ਟਰੈਕਿੰਗ ਅਤੇ ਪੈਰਾ-ਗਲਾਈਡਿੰਗ ਦਾ ਰੋਮਾਂਚਿਕ ਅਨੁਭਵ ਲੈ ਸਕਦੇ ਹੋ
ਪੀਰਮੇਡ:
ਇਹ ਥੇਕੜੀ ਤੋਂ 38 ਕਿਲੋਮੀਟਰ ਦੀ ਦੂਰੀ ’ਤੇ ਸਥਿਤ ਹੈ ਇਹ ਇੱਕ ਹਰਿਆ ਭਰਿਆ ਖੇਤਰ ਹੈ ਜਿਸ ਦਾ ਨਾਂਅ ਪੀਰ ਮੁਹੰਮਦ ਨਾਮਕ ਸੂਫੀ ਸੰਤ ਦੇ ਨਾਂਅ ’ਤੇ ਪਿਆ ਹੈ ਉਨ੍ਹਾਂ ਦੀ ਯਾਦ ’ਚ ਪੀਰੂ ਪਹਾੜੀ ’ਤੇ ਇੱਕ ਬਹੁਤ ਵੱਡਾ ਮਕਬਰਾ ਬਣਿਆ ਹੋਇਆ ਹੈ ਮੰਨਿਆ ਜਾਂਦਾ ਹੈ ਕਿ ਇਸ ਸੂਫੀ ਸੰਤ ਨੇ ਤ੍ਰਾਵਣਕਾਰ ਦੇ ਮਹਾਰਾਜ ਨੂੰ ਬਹੁਤ ਪ੍ਰਭਾਵਿਤ ਕੀਤਾ ਸੀ ਅਤੇ ਇਹ ਜਗ੍ਹਾ ਗਰਮੀਆਂ ਦੇ ਮੌਸਮ ’ਚ ਸ਼ਾਹੀ ਅਰਾਮਗਾਹ ਦੇ ਰੂਪ ’ਚ ਇਸਤੇਮਾਲ ਕੀਤੀ ਜਾਣ ਲੱਗੀ ਮਕਬਰੇ ਕੋਲ ਹੀ ਸ਼ਾਹੀ ਪਰਿਵਾਰ ਦੀ ਆਰਾਮਗਾਹ ਅਤੇ ਤ੍ਰਾਵਣਕੋਰ ਦੇ ਦੀਵਾਨ ਦਾ ਘਰ ਹੈ ਹੁਣ ਇਨ੍ਹਾਂ ਦੀ ਵਰਤੋਂ ਸੈਲਾਨੀ ਵਿਭਾਗ ਦੇ ਗੈਸਟ ਹਾਊਸ ਦੇ ਰੂਪ ’ਚ ਹੁੰਦੀ ਹੈ ਇੱਥੋਂ ਤੋਂ ਪੰਜ ਕਿੱਲੋਮੀਟਰ ਦੀ ਦੂਰੀ ’ਤੇ ਗਰੰਪੀ ਨਾਮਕ ਜਗ੍ਹਾ ਹੈ, ਜਿੱਥੇ ਟਰੈਕਿੰਗ ਦਾ ਲੁਤਫ ਉਠਾਇਆ ਜਾ ਸਕਦਾ ਹੈ ਇੱਥੇ ਸਹਾਦਰੀ ਆਯੂਰਵੈਦਿਕ ਕੇਂਦਰ ਵੀ ਹੈ ਜੋ ਪੀਰਮੇਡ ਡਿਵਲਪਮੈਂਟ ਸੁਸਾਇਟੀ ਵੱਲੋਂ ਚਲਾਇਆ ਜਾਂਦਾ ਹੈ ਇੱਥੇ ਕੋਲ ਹੀ ਇੱਕ ਆਦਿਵਾਸੀ ਬਸਤੀ ਹੈ ਜਿੱਥੇ ਤੁਸੀਂ ਗਾਈਡ ਦੀ ਮੱਦਦ ਨਾਲ ਟਰੈਕਿੰਗ ਕਰਦੇ ਹੋਏ ਜਾ ਸਕਦੇ ਹੋ
ਪੁੱਲੁਮੇਡੂ:
ਥੇਕੜੀ ਤੋਂ 43 ਕਿੱਲੋਮੀਟਰ ਦੂਰ ਇਹ ਪਰਬਤੀ ਨਗਰ ਪੇਰੀਆਰ ਨਦੀ ਦੇ ਕਿਨਾਰੇ ਸਥਿਤ ਹੈ ਇੱਥੋਂ ਦੀ ਹਰਿਆਲੀ ਸੈਲਾਨੀਆਂ ਨੂੰ ਆਪਣੇ ਆਪ ਆਪਣੇ ਵੱਲ ਖਿੱਚਦੀ ਹੈ ਇੱਥੇ ਮਿਲਣ ਵਾਲੀ ਦੁਰਲੱਭ ਬਨਸਪਤੀ ਅਤੇ ਜੰਤੂ ਇਸ ਦੇ ਆਕਰਸ਼ਣ ਨੂੰ ਹੋਰ ਵਧਾ ਦਿੰਦੇ ਹਨ ਇੱਥੇ ਸਿਰਫ਼ ਜੀਪ ’ਚ ਹੀ ਜਾਇਆ ਜਾ ਸਕਦਾ ਹੈ ਇਸ ਜਗ੍ਹਾ ਤੋਂ ਸਬਰੀਮਾਲਾ ਦਾ ਅਈਯੱਪਾ ਮੰਦਰ ਅਤੇ ਮਕਰ ਜੋਤੀ ਵੀ ਦਿਖਾਈ ਦਿੰਦੀ ਹੈ ਇਹ ਸਥਾਨ ਵਰਜਿਤ ਜੰਗਲੀ ਖੇਤਰ ਦੇ ਅਧੀਨ ਆਉਂਦਾ ਹੈ, ਇਸ ਲਈ ਇੱਥੇ ਆਉਣ ਤੋਂ ਪਹਿਲਾਂ ਵਣ ਵਿਭਾਗ ਤੋਂ ਇਜਾਜ਼ਤ ਲੈਣੀ ਜ਼ਰੂਰੀ ਹੈ ਇਜਾਜ਼ਤ ਲੈਣ ਲਈ ਤੁਸੀਂ ਵਣਜੀਵ ਸੁਰੱਖਿਆ ਅਧਿਕਾਰੀ ਥੇਕੜੀ ਜਾਂ ਰੇਂਜ ਅਫਸਰ ਵੱਲਾਕੱਡਵੁ ਨਾਲ ਸੰਪਰਕ ਕਰ ਸਕਦੇ ਹੋ
ਕੁਮੀਲੀ:
ਥੇਕੜੀ ਦੀ ਯਾਤਰਾ ਕਰਨ ਵਾਲੇ ਕਿਸੇ ਵੀ ਸੈਲਾਨੀ ਨੂੰ ਇੱਕ ਵਾਰ ਕੁਮੀਲੀ ਜ਼ਰੂਰ ਘੁੰਮਣਾ ਚਾਹੀਦਾ ਹੈ ਥੇਕੜੀ ਤੋਂ ਚਾਰ ਕਿੱਲੋਮੀਟਰ ਦੇ ਬਾਹਰੀ ਇਲਾਕੇ ’ਚ ਸਥਿਤ, ਇਲਾਇਚੀ ਪਹਾੜੀਆਂ ’ਚ ਵਸਿਆ ਇਹ ਖੂਬਸੂਰਤ ਸ਼ਹਿਰ ਮਸਾਲੇ ਅਤੇ ਚਾਹ ਦੇ ਬਾਗਾਂ ਲਈ ਬੇਹੱਦ ਮਸ਼ਹੂਰ ਹੈ ਸਪਾਈਸ ਟ੍ਰੇਡਿੰਗ ਨੇ ਇਸ ਸਥਾਨ ਨੂੰ ਵਪਾਰਕ ਰੂਪ ਨਾਲ ਵੀ ਮਹੱਤਵਪੂਰਨ ਬਣਾ ਦਿੱਤਾ ਹੈ ਸੈਲਾਨੀ ਇਸ ਸ਼ਹਿਰ ’ਚ ਕੇਰਲ ਦੇ ਖਾਸ ਵਿਅੰਜਨਾਂ ਦਾ ਆਨੰਦ ਲੈ ਸਕਦੇ ਹਨ
ਬੰਬੂ ਰਾਫਟਿੰਗ:
ਆਪਣੀ ਰੀਵਰ ਰਾਫਟਿੰਗ ਤਾਂ ਬਹੁਤ ਕੀਤੀ ਹੋਵੇਗੀ ਪਰ ਕੀ ਆਪਣੀ ਰਾਫਟਿੰਗ ਲਈ ਬੰਬੂ ਬੋਟ ਦਾ ਇਸਤੇਮਾਲ ਕੀਤਾ ਹੈ? ਸ਼ਾਇਦ ਨਹੀਂ.. ਜੇਕਰ ਤੁਸੀਂ ਥੇਕੜੀ ਦੇ ਜੰਗਲਾਂ ਵਿੱਚ ਨਦੀ ’ਚ ਬੰਬੂ ਰਾਫਟਿੰਗ ਦਾ ਰੋਮਾਂਚਿਕ ਆਨੰਦ ਲੈਣਾ ਚਾਹੁੰਦੇ ਹੋ ਤਾਂ ਇੱਥੇ ਜ਼ਰੂਰ ਆਓ ਥੇਕੜੀ ’ਚ ਵਾਟਰ ਐਕਟੀਵਿਟੀ ’ਚ ਬੰਬੂ ਰਾਫਟਿੰਗ ਕਾਫ਼ੀ ਖਾਸ ਮੰਨੀ ਜਾਂਦੀ ਹੈ ਬੰਬੂ ਰਾਫਟਿੰਗ ਦੀ ਸੁਵਿਧਾ ਤੁਹਾਨੂੰ ਇੱਥੇ ਜੰਗਲ ਵਿਭਾਗ ਉਪਲੱਬਧ ਕਰਾਏਗਾ, ਜਿਨ੍ਹਾਂ ਦੇ ਦਿਸ਼ਾ-ਨਿਰਦੇਸ਼ ’ਚ ਤੁਸੀਂ ਇਸ ਖਾਸ ਰਾਫਟਿੰਗ ਦਾ ਆਨੰਦ ਲੈ ਸਕਦੇ ਹੋ ਬੰਬੂ ਬੋਟ ਦੇ ਸਹਾਰੇ ਤੁਸੀਂ ਜੰਗਲ ਅਤੇ ਇੱਥੋਂ ਦੇ ਜੰਗਲੀ ਜੀਵਾਂ ਨੂੰ ਵੀ ਦੇਖ ਸਕਦੇ ਹੋ
