Cleaning on weekends: ਸਫਾਈ ਲਈ ਉਡੀਕ ਨਾ ਕਰੋ ਵੀਕੈਂਡ ਦੀ

Cleaning on weekends ਸਫਾਈ ਲਈ ਉਡੀਕ ਨਾ ਕਰੋ ਵੀਕੈਂਡ ਦੀ – ਘਰ ਨੂੰ ਸਾਫ-ਸੁਥਰਾ ਰੱਖਣਾ ਇੱਕ ਵੱਡਾ ਚੈਲੇਂਜ ਹੁੰਦਾ ਹੈ ਐਨਾ ਸੌਖਾ ਨਹੀਂ ਹੈ ਘਰ ਨੂੰ ਵਿਉਂਤਬੰਦ ਅਤੇ ਸਾਫ ਰੱਖਣਾ ਜੇਕਰ ਤੁਸੀਂ ਦੋਵੇਂ ਕੰਮਕਾਜੀ ਹੋ ਫਿਰ ਤਾਂ ਇਹ ਹੋਰ ਵੀ ਮੁਸ਼ਕਿਲ ਹੋ ਜਾਂਦਾ ਹੈ ਪਰ ਅਸੰਭਵ ਨਹੀਂ ਦੋਵੇਂ ਮਿਲ-ਜੁਲ ਕੇ ਆਪਣੇ ਸਾਮਾਨ ਨੂੰ ਠੀਕ ਰੱਖੋ ਤਾਂ ਸਮੱਸਿਆ ਕੁਝ ਘੱਟ ਹੋ ਜਾਂਦੀ ਹੈ

ਆਓ! ਜਾਣਦੇ ਹਾਂ ਕੁਝ ਅਜਿਹੇ ਟਿਪਸ ਕਿ ਵੀਕੈਂਡ ’ਤੇ ਹੀ ਸਫਾਈ ਲਈ ਨਾ ਨਿਰਭਰ ਹੋਣਾ ਪਵੇ

ਬੈੱਡ ਤੋਂ ਉੱਠਦੇ ਹੀ ਬਿਸਤਰਾ ਠੀਕ ਕਰੋ:-

ਬਿਸਤਰ ਤੋਂ ਬਾਹਰ ਆਉਣ ਤੋਂ ਬਾਅਦ ਆਪਣੀ ਰੂਟੀਨ ਦੀ ਕਿਰਿਆ ਤੋਂ ਮੁਕਤ ਹੋ ਕੇ ਪਹਿਲਾਂ ਆਪਣਾ ਬਿਸਤਰਾ ਸਾਫ ਕਰੋ ਕਮਰਾ ਸਾਫ ਲੱਗਣ ਲੱਗੇਗਾ ਘਰ ’ਚ ਸਾਰੇ ਮੈਂਬਰ ਆਪਣੀ ਇਹ ਡਿਊਟੀ ਸੰਭਾਲ ਲਓ ਤਾਂ ਸ਼ਾਮ ਨੂੰ ਘਰ ਆਉਣ ’ਤੇ ਘਰ ਪਹਿਲਾਂ ਤੋਂ ਬਿਹਤਰ ਅਤੇ ਸਾਫ ਲੱਗੇਗਾ ਰਾਤ ਨੂੰ ਸਾਫ ਬੈੱਡ ’ਤੇ ਸੌਣਾ ਚੰਗਾ ਵੀ ਲੱਗਦਾ ਹੈ ਅਤੇ ਨੀਂਦ ਵੀ ਚੰਗੀ ਆਉਂਦੀ ਹੈ

ਘਰ ’ਚ ਸਾਮਾਨ ਘੱਟ ਰੱਖੋ, ਸਫਾਈ ਓਨੀ ਸੌਖੀ ਹੋਵੇਗੀ:-

ਜ਼ਿਆਦਾਤਰ ਲੋਕਾਂ ਦੀ ਆਦਤ ਹੁੰਦੀ ਹੈ ਘਰ ’ਚ ਬੇਕਾਰ ਦਾ ਸਾਮਾਨ ਵੀ ਸੰਭਾਲੀ ਰੱਖਣਗੇ ਇਸ ਨਾਲ ਘਰ ’ਚ ਸਾਮਾਨ ਦੀ ਮਾਤਰਾ ਵਧ ਜਾਂਦੀ ਹੈ ਜਿਸ ਨਾਲ ਸਫਾਈ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ ਫਾਲਤੂ ਸਾਮਾਨ ਕਿਸੇ ਜ਼ਰੂਰਤਮੰਦ ਨੂੰ ਦੇ ਦਿਓ, ਵੇਚ ਦਿਓ ਜਾਂ ਫਿਰ ਸੁੱਟ ਦਿਓ ਤੁਸੀਂ ਖੁਦ ਮਹਿਸੂਸ ਕਰੋਗੇ ਕਿ ਹੁਣ ਸਫਾਈ ਕਰਨਾ ਹੋਰ ਸੌਖਾ ਹੋ ਗਿਆ ਹੈ

ਕੰਮ ਟਾਲੋ ਨਾ, ਤੁਰੰਤ ਨਿਪਟਾਓ:-

ਜਦੋਂ ਕਦੇ ਸਿੰਕ ਗੰਦਾ ਦਿਸੇ, ਸ਼ੈਲਫ ’ਤੇ ਮਿੱਟੀ ਦਿਸੇ, ਕੱਪੜੇ ਫੈਲੇ ਦਿਸਣ ਤਾਂ ਇਹ ਨਾ ਸੋਚੋ ਕਿ ਬਾਅਦ ’ਚ ਕਰ ਲਵਾਂਗੀ ਤੁਰੰਤ ਕਰ ਦੇਣ ਨਾਲ ਘਰ ਵਿਉਂਤਬੰਦ ਅਤੇ ਸਾਫ ਲੱਗੇਗਾ ਥੋੜ੍ਹੀ ਜਿਹੀ ਮਿਹਨਤ ਹਰ ਰੋਜ਼ ਕਰਨ ’ਤੇ ਥਕਾਵਟ ਵੀ ਘੱਟ ਹੋਵੇਗੀ ਅਤੇ ਵੀਕੈਂਡ ਦੀ ਉਡੀਕ ਵੀ ਨਹੀਂ ਕਰਨੀ ਪਵੇਗੀ ਵੀਕੈਂਡ ’ਤੇ ਜੇਕਰ ਕੋਈ ਜ਼ਰੂਰੀ ਕੰਮ ਆ ਪਵੇ ਤਾਂ ਤੁਹਾਡਾ ਘਰ ਤਾਂ ਹੋਰ ਫੈਲ ਜਾਵੇਗਾ ਜਿਸ ਨਾਲ ਨਜਿੱਠਣਾ ਮੁਸ਼ਕਿਲ ਵੀ ਹੋਵੇਗਾ ਅਤੇ ਥਕਾਵਟ ਭਰਿਆ ਵੀ ਰੋਜ਼ ਦਾ ਕੰਮ ਰੋਜ਼ ਨਿਪਟਾਉਣ ਦੀ ਆਦਤ ਚੰਗੀ ਹੁੰਦੀ ਹੈ

ਹਰ ਵਾਰ ਖਾਣਾ ਬਣਾਉਣ ਤੋਂ ਬਾਅਦ ਰਸੋਈ ਸਾਫ ਕਰੋ:-

ਖਾਣਾ ਬਣਾਉਣ ਤੋਂ ਬਾਅਦ ਸਾਰੇ ਡੱਬੇ ਆਪਣੀ ਜਗ੍ਹਾ ਰੱਖੋ ਚਕਲਾ-ਵੇਲਣਾ-ਤਵਾ ਵੀ ਜੇਕਰ ਧੋ ਕੇ ਰੱਖਣਾ ਹੋਵੇ ਤਾਂ ਧੋ ਦਿਓ ਨਹੀਂ ਤਾਂ ਪੂੰਝ ਕੇ ਸਹੀ ਜਗ੍ਹਾ ’ਤੇ ਰੱਖੋ ਕੜਾਹੀ, ਕੁੱਕਰ, ਚਾਹ ਵਾਲਾ ਭਾਂਡਾ ਖਾਲੀ ਕਰਕੇ ਸਿੰਕ ’ਚ ਰੱਖੋ ਗੈਸ ਚੁੱਲ੍ਹੇ ਅਤੇ ਸਲੈਬ ’ਤੇ ਸੁੱਕੇ ਡਸਟਰ ਨਾਲ ਸਫਾਈ ਕਰ ਦਿਓ ਤਾਂ ਕਿ ਜਦੋਂ ਦੁਬਾਰਾ ਰਸੋਈ ’ਚ ਜਾਓ ਤਾਂ ਖਾਣਾ ਬਣਾਉਣ ਲੱਗਿਆਂ ਮੂਡ ਖਰਾਬ ਨਾ ਹੋਵੇ ਜੇਕਰ ਚਾਹ ਕੌਫੀ ਬਣਾ ਰਹੇ ਹੋ ਜਾਂ ਦੁੱਧ ਬੱਚਿਆਂ ਲਈ ਗਰਮ ਕਰ ਰਹੇ ਹੋ ਤਾਂ ਨਾਲ ਹੀ ਨਾਲ ਪੈਨ ਖਾਲੀ ਕਰਕੇ ਸਿੰਕ ’ਚ ਸਾਫ ਕਰਨ ਲਈ ਰੱਖ ਦਿਓ ਚਾਹ ਦੀ ਪੱਤੀ ਡਸਟਬਿਨ ’ਚ ਪਾਓ ਜੇਕਰ ਭਾਂਡੇ ਖੁਦ ਸਾਫ ਕਰਦੇ ਹੋ ਤਾਂ ਨਾਲ-ਨਾਲ ਭਾਂਡੇ ਸਾਫ ਕਰਦੇ ਜਾਓ ਤਾਂ ਕਿ ਸਿੰਕ ’ਚ ਪਿਆ ਢੇਰ ਮੂਡ ਖਰਾਬ ਨਾ ਕਰੇ ਚਾਕੂ, ਲਾਈਟਰ ਅਤੇ ਮਾਚਿਸ ਵੀ ਸਹੀ ਜਗ੍ਹਾ ਰੱਖੋ ਤੁਹਾਡਾ ਕੰਮ ਵੀ ਆਸਾਨ ਹੋਵੇਗਾ ਅਤੇ ਸਮਾਂ ਵੀ ਬਚੇਗਾ

ਗੀਤ ਵੀ ਨਾਲ-ਨਾਲ ਸੁਣੋ:-

ਜੇਕਰ ਤੁਸੀਂ ਘਰੇਲੂ ਔਰਤ ਹੋ ਤਾਂ ਸਭ ਦੇ ਜਾਣ ਤੋਂ ਬਾਅਦ ਆਪਣੀ ਪਸੰਦ ਦਾ ਗਾਣਾ ਲਾ ਕੇ ਕੰਮ ਕਰੋ ਕੰਮ ਕਰਨ ਦੀ ਸਮਰੱਥਾ ਵੀ ਵਧੇਗੀ ਅਤੇ ਕੰਮ ਦਾ ਤਣਾਅ ਵੀ ਨਹੀਂ ਹੋਵੇਗਾ ਡਸਟਿੰਗ ਸਫਾਈ ਆਦਿ ਕੰਮ ਮਿਊਜ਼ਿਕ ਦੇ ਨਾਲ-ਨਾਲ ਕਦੋਂ ਨਿੱਬੜ ਜਾਵੇਗਾ ਪਤਾ ਵੀ ਨਹੀਂ ਚੱਲੇਗਾ

ਘਰੇੇ ਰੱਖੋ ਹੈਂਡ ਵੈਕਿਊਮ ਕਲੀਨਰ:-

ਬੱਚਿਆਂ ਵਾਲੇ ਘਰ ’ਚ ਟੀਵੀ ਦੇਖਦੇ ਸਮੇਂ ਸੋਫੇ ’ਤੇ, ਕਾਰਪੇਟ ’ਤੇ ਬੱਚਿਆਂ ਤੋਂ ਕੁਝ ਨਾ ਕੁਝ ਡਿੱਗਣਾ ਸੁਭਾਵਿਕ ਹੈ ਅਜਿਹੇ ’ਚ ਵੱਡਾ ਵੈਕਿਊਮ ਕਲੀਨਰ ਕੱਢ ਕੇ ਸਫਾਈ ਕਰਨਾ ਮੁਸ਼ਕਿਲ ਲੱਗਦਾ ਹੈ ਪਰ ਹੈਂਡ ਵੈਕਿਊਮ ਕਲੀਨਰ ਨਾਲ ਸਫਾਈ ਕਰਨਾ ਸੌਖਾ ਹੁੰਦਾ ਹੈ ਜੇਕਰ ਬੱਚੇ ਥੋੜ੍ਹੇ ਵੱਡੇ ਹਨ ਤਾਂ ਉਨ੍ਹਾਂ ਤੋਂ ਘਰ ਦੀ ਸਫਾਈ ’ਚ ਮੱਦਦ ਲੈ ਸਕਦੇ ਹੋ, ਬੱਚੇ ਇਸ ਨੂੰ ਖੁਸ਼ੀ ਨਾਲ ਕਰਨਗੇ ਇਸ ਨਾਲ ਤੁਹਾਡਾ ਕੰਮ ਵੀ ਆਸਾਨ ਹੋ ਜਾਵੇਗਾ

ਕੱਪੜੇ ਵੀ ਰੋਜ਼ ਦੇ ਰੋਜ਼ ਧੋ ਲਓ:-

ਕੰਮਕਾਜ਼ੀ ਔਰਤਾਂ ਜ਼ਿਆਦਾਤਰ ਵੀਕੈਂਡ ’ਤੇ ਇਕੱਠੇ ਕੱਪੜੇ ਧੋਂਦੀਆਂ ਹਨ ਜੋ ਥਕਾਵਟ ਵੀ ਵਧਾਉਂਦਾ ਹੈ ਅਤੇ ਸਮਾਂ ਵੀ ਖੂਬ ਲੈਂਦਾ ਹੈ ਅਜਿਹੇ ’ਚ ਛੋਟੇ ਰੂਟੀਨ ਵਾਲੇ ਕੱਪੜੇ ਬਾਲਟੀ ’ਚ ਭਿਉਂ ਦਿਓ ਅਤੇ ਨਹਾਉਂਦੇ ਸਮੇਂ ਉਨ੍ਹਾਂ ਨੂੰ ਧੋ ਲਓ ਰੋਜ਼ ਦੇ ਕੱਪੜੇ ਧੋਣ ਤੋਂ ਬਾਅਦ ਹਫਤੇ ’ਚ ਬੱਸ ਵੱਡੇ ਕੱਪੜੇ ਮਸ਼ੀਨ ’ਚ ਪਾ ਦਿਓ ਸਮਾਂ ਅਤੇ ਮਿਹਨਤ ਦੋਵਾਂ ’ਚ ਇਜ਼ਾਫਾ ਹੋਵੇਗਾ ਵੀਕੈਂਡ ’ਤੇ ਤੁਸੀਂ ਵੀ ਆਰਾਮ ਕਰ ਸਕਦੇ ਹੋ

ਬੱਚਿਆਂ ਅਤੇ ਪਤੀ ਨੂੰ ਵੀ ਆਪਣੇ-ਆਪਣੇ ਸਾਮਾਨ ਨੂੰ ਸੰਭਾਲਣ ਦੀ ਆਦਤ ਸ਼ੁਰੂ ਤੋਂ ਪਾਓ ਤਾਂ ਕਿ ਸਾਰੇ ਕੰਮ ਦਾ ਬੋਝ ਤੁਹਾਡੇ ’ਤੇ ਨਾ ਰਹੇ ਮਿਲਜੁਲ ਕੇ ਨਿਯਮਿਤ ਤੌਰ ’ਤੇ ਸਾਮਾਨ ਨੂੰ ਵਿਉਂਤਬੰਦ ਰੱਖਿਆ ਜਾਵੇ ਤਾਂ ਵੀਕੈਂਡ ਦੀ ਉਡੀਕ ਨਹੀਂ ਕਰਨੀ ਪਵੇਗੀ ਵੀਕੈਂਡ ’ਤੇ ਤੁਸੀਂ ਪਰਿਵਾਰ ਨਾਲ ਘੁੰਮਣ ਜਾ ਸਕਦੇ ਹੋ, ਸ਼ਾਪਿੰਗ ਲਈ ਜਾ ਸਕਦੇ ਹੋ ਅਤੇ ਆਰਾਮ ਵੀ ਕਰ ਸਕਦੇ ਹੋ -ਨੀਤੂ ਗੁਪਤਾ