ਆਮਦਨ ਘੱਟ ਹੈ ਤਾਂ ਰਣਨੀਤੀ ਨਾਲ ਬਣਾਓ ਆਪਣਾ ਘਰ
ਘਰ ਖਰੀਦਣਾ ਇੱਕ ਬਹੁਤ ਵੱਡਾ ਨਿਵੇਸ਼ ਹੈ, ਖਾਸ ਕਰਕੇ ਉਨ੍ਹਾਂ ਲਈ ਜਿਨ੍ਹਾਂ ਦੀ ਆਮਦਨ ਸੀਮਤ ਹੈ ਜ਼ਿਆਦਾਤਰ ਨੌਜਵਾਨਾਂ ਦੀ ਮਹੀਨੇਵਾਰ ਤਨਖਾਹ 15 ਹਜ਼ਾਰ ਰੁਪਏ ਪ੍ਰਤੀ ਮਹੀਨੇ ਤੋਂ ਸ਼ੁਰੂ ਹੋ ਕੇ ਲਗਭਗ ਕਈ ਸਾਲਾਂ ’ਚ 25 ਤੋਂ 30 ਹਜ਼ਾਰ ਰੁਪਏ ਪ੍ਰਤੀ ਮਹੀਨੇ ਤੱਕ ਪਹੁੰਚਦੀ ਹੈ ਇਸ ’ਚ ਕਈ ਖਰਚ ਪੂਰੇ ਕਰਨੇ ਹੁੰਦੇ ਹਨ ਜਿਸ ਤੋਂ ਬਾਅਦ ਘਰ ਦਾ ਸੁਫਨਾ ਪੂਰਾ ਕਰ ਸਕਣਾ ਲਗਭਗ ਮੁਸ਼ਕਿਲ ਲੱਗਣ ਲੱਗਦਾ ਹੈ ਇਸੇ ਵਰਗ ਨੂੰ ਧਿਆਨ ’ਚ ਰੱਖ ਕੇ ਅਸੀਂ ਇੱਕ ਅਜਿਹੀ ਰਣਨੀਤੀ ਤਿਆਰ ਕਰਾਂਗੇ ਤਾਂ ਕਿ ਹਰ ਕੋਈ ਆਪਣੇ ਘਰ ਦਾ ਸੁਫਨਾ ਸਾਕਾਰ ਕਰ ਸਕੇ
Table of Contents
ਸੀਮਤ ਆਮਦਨ ਨਾਲ ਘਰ ਖਰੀਦਣ ਲਈ ਕੁਝ ਮਹੱਤਵਪੂਰਨ ਸੁਝਾਅ:
ਬਜ਼ਟ ਬਣਾਉਣਾ:
ਆਪਣੀ ਆਮਦਨ ਅਤੇ ਖਰਚਿਆਂ ਦਾ ਇੱਕ ਵਿਸਥਾਰਤ ਬਜ਼ਟ ਬਣਾਓ ਘਰ ਖਰੀਦਣ ਲਈ ਕਿੰਨਾ ਪੈਸਾ ਉਧਾਰ ਲੈ ਸਕਦੇ ਹੋ, ਇਸ ਦਾ ਅੰਦਾਜ਼ਾ ਲਾਓ ਆਪਣੀ ਬੱਚਤ ਦੀ ਵਰਤੋਂ ਕਰੋ ਅਤੇ ਕਰਜ਼ੇ ਦੀ ਰਕਮ ਘੱਟ ਕਰੋ
ਘਰ ਦੀ ਬਨਾਵਟ ਅਤੇ ਥਾਂ:
ਆਪਣੀਆਂ ਲੋੜਾਂ ਅਨੁਸਾਰ ਛੋਟੀਆਂ ਜਾਂ ਘੱਟ ਸੁਵਿਧਾਵਾਂ ਵਾਲੇ ਘਰਾਂ ’ਤੇ ਵਿਚਾਰ ਕਰੋ ਸ਼ਹਿਰ ਦੇ ਬਾਹਰੀ ਖੇਤਰਾਂ ਜਾਂ ਘੱਟ ਲੋਕਪ੍ਰਿਯ ਇਲਾਕਿਆਂ ’ਚ ਘਰਾਂ ਦੀ ਤਲਾਸ਼ ਕਰੋ ਪੁਰਾਣੀਆਂ ਜਾਂ ਮੁਰੰਮਤ ਲਾਇਕ ਸੰਪੱਤੀਆਂ ’ਤੇ ਵਿਚਾਰ ਕਰੋ ਜਿਨ੍ਹਾਂ ’ਚ ਨਵੀਨੀਕਰਨ ਦੀ ਲੋੜ ਹੋਵੇ
ਯੋਜਨਾ ਬਣਾਉਣਾ:
ਆਪਣੀਆਂ ਲੋੜਾਂ ਅਤੇ ਬਜਟ ਅਨੁਸਾਰ ਘਰ ਦੀ ਯੋਜਨਾ ਬਣਾਓ ਘਰ ਦੇ ਆਕਾਰ ਅਤੇ ਸੁਵਿਧਾਵਾਂ ਨੂੰ ਆਪਣੀਆਂ ਲੋੜਾਂ ਅਨੁਸਾਰ ਨਿਯੋਜਿਤ ਕਰੋ ਘੱਟ ਲਾਗਤ ਵਾਲੀ ਨਿਰਮਾਣ ਸਮੱਗਰੀ ਅਤੇ ਤਕਨੀਕਾਂ ਦੀ ਵਰਤੋਂ ਕਰੋ
ਕਰਜ਼ੇ ਦੀ ਤੁਲਨਾ ਕਰੋ:
ਵੱਖ-ਵੱਖ ਬੈਂਕਾਂ ਅਤੇ ਵਿੱਤੀ ਸੰਸਥਾਨਾਂ ਨਾਲ ਕਰਜ਼ੇ ਦੀ ਤੁਲਨਾ ਕਰੋ ਸਭ ਤੋਂ ਘੱਟ ਵਿਆਜ ਦਰ ਤੇ ਸਭ ਤੋਂ ਅਨੁਕੂਲ ਸ਼ਰਤਾਂ ਵਾਲੇ ਕਰਜ਼ੇ ਦੀ ਚੋਣ ਕਰੋ
ਵਾਧੂ ਖਰਚਿਆਂ ’ਤੇ ਧਿਆਨ ਦਿਓ:
ਘਰ ਖਰੀਦਣ ਤੋਂ ਇਲਾਵਾ, ਤੁਹਾਨੂੰ ਰਜਿਸਟਰੀ ਖਰਚਾ, ਸਟੰਪ ਖਰਚਾ ਅਤੇ ਹੋਰ ਕਾਨੂੰਨੀ ਖਰਚਿਆਂ ਦਾ ਵੀ ਭੁਗਤਾਨ ਕਰਨਾ ਪਵੇਗਾ ਇਨ੍ਹਾਂ ਸਾਰਿਆਂ ਖਰਚਿਆਂ ਨੂੰ ਧਿਆਨ ’ਚ ਰੱਖਦਿਆਂ ਬਜਟ ਬਣਾਓ
ਸਮਝਦਾਰੀ ਨਾਲ ਖਰੀਦਦਾਰੀ ਕਰੋ:
ਕਾਹਲੀ ’ਚ ਫੈਸਲਾ ਨਾ ਲਓ ਵੱਖ-ਵੱਖ ਬਦਲਾਂ ਦਾ ਮੁਲਾਂਕਣ ਕਰੋ ਅਤੇ ਆਪਣੀਆਂ ਲੋੜਾਂ ਲਈ ਸਭ ਤੋਂ ਲਾਹੇਵੰਦ ਘਰ ਚੁਣੋ ਕਿਸੇ ਤਜ਼ਰਬੇਕਾਰ ਰੀਅਲ ਅਸਟੇਟ ਏਜੰਟ ਜਾਂ ਵਕੀਲ ਤੋਂ ਸਲਾਹ ਲਓ
ਕੁਝ ਹੋਰ ਸੁਝਾਅ
- ਕਿਰਾਏ ’ਤੇ ਰਹਿਣ ਦੀ ਬਜਾਏ ਘਰ ਖਰੀਦਣ ’ਤੇ ਵਿਚਾਰ ਕਰੋ
- ਜੇਕਰ ਤੁਹਾਡੇ ਕੋਲ ਲੋੜੀਂਦੀ ਬੱਚਤ ਹੈ, ਤਾਂ ਤੁਸੀਂ ਕਰਜ਼ਾ ਲੈਣ ਤੋਂ ਬਚ ਸਕਦੇ ਹੋ
- ਜੇਕਰ ਸੰਭਵ ਹੋਵੇ, ਤਾਂ ਤੁਸੀਂ ਪਰਿਵਾਰ ਦੇ ਮੈਂਬਰਾਂ ਜਾਂ ਦੋਸਤਾਂ ਤੋਂ ਆਰਥਿਕ ਮੱਦਦ ਪ੍ਰਾਪਤ ਕਰ ਸਕਦੇ ਹੋ
- ਸੀਮਤ ਆਮਦਨ ’ਚ ਘਰ ਖਰੀਦਣਾ ਇੱਕ ਚੁਣੌਤੀਪੂਰਨ ਕੰਮ ਹੋ ਸਕਦਾ ਹੈ, ਪਰ ਸਹੀ ਯੋਜਨਾ ਨਾਲ ਤੁਸੀਂ ਆਪਣਾ ਸੁਫਨਾ ਪੂਰਾ ਕਰ ਸਕਦੇ ਹੋ
ਕੇਂਦਰ ਸਰਕਾਰ ਦੀ ਆਵਾਸ ਯੋਜਨਾ ਇੱਕ ਬਦਲ ਹੈ
ਇੱਥੇ ਪਤਾ ਲਾਓ ਕਿ ਤੁਹਾਡੇ ਸ਼ਹਿਰ ’ਚ ਵਿਕਾਸ ਅਥਾਰਿਟੀ ਦੀ ਐੱਲਆਈਜੀ ਅਤੇ ਐੱਮਆਈਜੀ ਆਮਦਨ ਵਰਗ ਲਈ ਕੀ ਕੋਈ ਆਵਾਸ ਯੋਜਨਾ ਹੈ ਆਮ ਤੌਰ ’ਤੇ ਸਾਰੇ ਵੱਡੇ ਸ਼ਹਿਰਾਂ ’ਚ ਹੇਠਲੇ ਅਤੇ ਮੱਧਮ ਆਮਦਨ ਵਰਗ ਦੇ ਪਰਿਵਾਰਾਂ ਲਈ ਆਵਾਸ ਯੋਜਨਾਵਾਂ ਚਲਾਈਆਂ ਜਾ ਰਹੀਆਂ ਹਨ ਜਿਨ੍ਹਾਂ ਸ਼ਹਿਰਾਂ ਅਤੇ ਕਸਬਿਆਂ ’ਚ ਅਥਾਰਿਟੀ ਨਹੀਂ ਹੈ, ਉੱਥੇ ਸਾਨੂੰ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਦੇ ਵਿਸ਼ੇ ’ਚ ਪਤਾ ਕਰਨਾ ਚਾਹੀਦਾ ਹੈ ਅਫੋਰਡੇਬਲ ਹਾਊਸਿੰਗ ਸਕੀਮ ਦੇ ਤਹਿਤ ਵੀ ਸਸਤੇ ਘਰ ਬਣਾਏ ਜਾ ਰਹੇ ਹਨ ਇਨ੍ਹਾਂ ਯੋਜਨਾਵਾਂ ਦੇ ਤਹਿਤ ਬਣਾਏ ਜਾ ਰਹੇ ਘਰਾਂ ਦੀਆਂ ਕੀਮਤਾਂ ਕਾਫੀ ਕਿਫਾਇਤੀ ਹੁੰਦੀਆਂ ਹਨ
