Make hair black and strong natural oil

ਵਾਲਾਂ ਨੂੰ ਕਾਲੇ ਤੇ ਮਜ਼ਬੂਤ ਬਣਾਉਣਗੇ ਨੈਚੁਰਲ ਤੇਲ

ਤੁਸੀਂ ਜਦੋਂ ਕੰਘੀ ਵੀ ਕਰਦੇ ਹੋ, ਤਾਂ ਤੁਹਾਡੀ ਕੰਘੀ ’ਚ ਵਾਲ ਫਸ ਜਾਂਦੇ ਹਨ ਅਤੇ ਜ਼ਮੀਨ ’ਤੇ ਵਾਲ ਡਿੱਗੇ ਹੋਏ ਨਜ਼ਰ ਆਉਂਦੇ ਹਨ ਇਸ ਦੇ ਲਈ ਤੁਸੀਂ ਤਰ੍ਹਾਂ-ਤਰ੍ਹਾਂ ਦੇ ਤੇਲ, ਸ਼ੈਂਪੂ ਅਤੇ ਕ ੰਡੀਸ਼ਨਰ ਦੀ ਵਰਤੋਂ ਵੀ ਕਰ ਲਈ, ਫਿਰ ਵੀ ਵਾਲਾਂ ਦਾ ਡਿੱਗਣਾ ਜਾਰੀ ਹੈ

ਤੁਹਾਨੂੰ ਦੱਸ ਦਈਏ ਕਿ ਵਾਲ ਝੜਨ ਦੇ ਕਈ ਕਾਰਕ ਜ਼ਿੰਮੇਵਾਰ ਹੁੰਦੇ ਹਨ, ਜਿਵੇਂ ਪ੍ਰਦੂਸ਼ਣ, ਤਨਾਅ, ਖਰਾਬ ਦਿਨ ਅਤੇ ਖਾਣ-ਪੀਣ ਇਸ ਤੋਂ ਇਲਾਵਾ ਤੁਸੀਂ ਜੋ ਨਵੇਂ-ਨਵੇਂ ਹੇਅਰ ਕੇਅਰ ਪ੍ਰੋਡਕਟਾਂ ਦੀ ਵਰਤੋਂ ਕਰਦੇ ਹੋ, ਉਹ ਵੀ ਇਸ ਲਈ ਜ਼ਿੰਮੇਵਾਰ ਹਨ

Table of Contents

ਅਜਿਹੇ ’ਚ ਅਸੀਂ ਤੁਹਾਨੂੰ ਅੱਠ ਅਜਿਹੇ ਤੇਲਾਂ ਬਾਰੇ ਜਾਣਕਾਰੀ ਦੇਵਾਂਗੇ, ਜੋ ਤੁਹਾਡੇ ਵਾਲਾਂ ਦਾ ਟੁੱਟਣਾ ਤੇ ਝੜਨਾ ਘੱਟ ਕਰਨਗੇ, ਨਾਲ ਹੀ ਵਾਲਾਂ ਦੀ ਗਰੋਥ ਵੀ ਵਧੀਆ ਹੋਵੇਗੀ

ਤੇਲ ਲਾਉਣ ਦੇ ਫਾਇਦੇ

ਤੁਹਾਡੇ ਵਾਲ ਡਿੱਗਣ ਤੋਂ ਬਚਣ, ਇਸ ਦੇ ਲਈ ਜ਼ਰੂਰੀ ਹੈ ਕਿ ਤੁਸੀਂ ਹਫਤੇ ’ਚ ਦੋ ਵਾਰ ਆਪਣੇ ਵਾਲਾਂ ’ਤੇ ਤੇਲ ਲਗਾਓ ਰੈਗੂਲਰ ਤੌਰ ’ਤੇ ਵਾਲਾਂ ’ਤੇ ਤੇਲ ਲਗਾਉਣ ਨਾਲ ਤੁਹਾਡੇ ਵਾਲਾਂ ਨੂੰ ਬਹੁਤ ਲਾਭ ਮਿਲਦਾ ਹੈ, ਜੇਕਰ ਤੁਹਾਡੀ ਤੇਲ ਲਗਾਉਣ ਨਾਲ ਵਾਲਾਂ ਅਤੇ ਸਕੈਲਪ ਦੀ ਮਾਲਸ਼ ਹੁੰਦੀ ਹੈ, ਜਿਸ ਨਾਲ ਤਨਾਅ ਛੂਮੰਤਰ ਹੁੰਦਾ ਹੈ ਅਤੇ ਬਲੱਡ ਸਰਕੂਲੇਸ਼ਨ ਵੀ ਵਧਦਾ ਹੈ ਤੇਲ ਲਗਾਉਣ ਨਾਲ ਵਾਲ ਦੀਆਂ ਜੜ੍ਹਾਂ ਮਜ਼ਬੂਤ ਹੁੰਦੀਆਂ ਹਨ ਤੁਹਾਡੇ ਵਾਲਾਂ ’ਚ ਰਹਿਣ ਵਾਲੀ ਰੂਸੀ ਵੀ ਨਿਕਲਦੀ ਹੈ ਹੁਣ ਅਸੀਂ ਉਨ੍ਹਾਂ ਡੀਆਈਵਾਈ ਹੇਅਰ ਆੱਇਲ ਬਣਾਉਣ ਦੇ ਤਰੀਕਿਆਂ ਬਾਰੇ ਦੱਸਦੇ ਹਾਂ, ਜਿਨ੍ਹਾਂ ਦੇ ਵਾਲਾਂ ’ਤੇ ਲਗਾਤਾਰ ਇਸਤੇਮਾਲ ਨਾਲ ਵਾਲਾਂ ਦੀ ਗਰੋਥ ਵਧੇਗੀ

ਗੰਢੇ ਦਾ ਤੇਲ:

ਗੰਢੇ ’ਚ ਸਲਫਰ ਦੀ ਭਰਪੂਰ ਮਾਤਰਾ ਹੁੰਦੀ ਹੈ, ਜੋ ਵਾਲਾਂ ਨਾਲ ਜੁੜੀਆਂ ਹਰ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਰਦੀ ਹੈ ਇਹ ਵਾਲਾਂ ਦੇ ਰੈਗੂਲਰ ਪੀਐੱਚ ਲੇਵਲ ਨੂੰ ਵੀ ਮੈਨਟੇਨ ਕਰਦੀ ਹੈ ਅਤੇ ਵਾਲਾਂ ਨੂੰ ਸਫੈਦ ਹੋਣ ਤੋਂ ਵੀ ਰੋਕਦਾ ਹੈ ਗੰਢੇ ਦਾ ਤੇਲ ਵਾਲਾਂ ਦੇ ਰੋਮ ਛਿੱਦਰਾਂ ਨੂੰ ਪੋਸ਼ਣ ਦੇ ਕੇ ਵਾਲਾਂ ਦੀ ਗਰੋਥ ਨੂੰ ਵਧਾਉਂਦਾ ਹੈ

ਕਿਵੇਂ ਬਣਾਈਏ ਗੰਢਿਆਂ ਦਾ ਤੇਲ:

ਕੁਝ ਗੰਢੇ ਕੱਟ ਲਓ ਅਤੇ ਨਾਲ ਹੀ ਕਰੀ ਦੇ ਪੱਤੇ ਵੀ ਇਨ੍ਹਾਂ ਨੂੰ ਬਲੈਂਡ ਕਰਕੇ ਬਾਰੀਕ ਪੇਸਟ ਬਣਾ ਲਓ ਇਸ ਪੇਸਟ ’ਚ ਨਾਰੀਅਲ ਤੇਲ ਮਿਲਾਓ ਅਤੇ ਧੀਮੇ ਸੇਕੇ ’ਤੇ ਇਸ ਮਿਸ਼ਰਨ ਨੂੰ ਗਰਮ ਕਰੋ 5 ਤੋਂ 10 ਮਿੰਟਾਂ ਤੋਂ ਬਾਅਦ ਸੇਕੇ ਨੂੰ ਵਧਾਓ ਅਤੇ ਇਸ ਨੂੰ ਉੱਬਲਣ ਦਿਓ ਹੁਣ ਸੇਕੇ ਨੂੰ 15 ਮਿੰਟਾਂ ਲਈ ਧੀਮਾ ਕਰ ਦਿਓ ਅਤੇ ਫਿਰ ਗੈਸ ਬੰਦ ਕਰ ਦਿਓ ਇਸ ਮਿਸ਼ਰਨ ਨੂੰ ਰਾਤਭਰ ਲਈ ਛੱਡ ਦਿਓ ਸਵੇਰੇ ਛਾਨਣੀ ਦੀ ਮੱਦਦ ਨਾਲ ਇਸ ਤੇਲ ਨੂੰ ਛਾਣ ਲਓ ਅਤੇ ਕੱਚ ਦੇ ਜਾਰ ’ਚ ਸਟੋਰ ਕਰ ਲਓ ਗੰਢੇ ਦਾ ਤੇਲ ਤਿਆਰ ਹੈ, ਤੁਸੀਂ ਇਸ ਨੂੰ ਆਪਣੇ ਵਾਲਾਂ ’ਚ ਲਾ ਸਕਦੇ ਹੋ

Also Read :-

ਪੁਦੀਨੇ ਦਾ ਤੇਲ:

ਪੁਦੀਨੇ ਦਾ ਤੇਲ ਵਾਲਾਂ ਦੀ ਗਰੋਥ ਨੂੰ ਵਧਾਉਂਦਾ ਹੈ ਅਤੇ ਵਾਲਾਂ ਨੂੰ ਡਿੱਗਣ ਤੋਂ ਬਚਾਉਂਦਾ ਹੈ ਇਹ ਤੁਹਾਡੇ ਵਾਲਾਂ ’ਤੇ ਤਾਜੀ ਖੁਸ਼ਬੂ ਵੀ ਛੱਡਦਾ ਹੈ ਪੁਦੀਨੇ ਦਾ ਤੇਲ ਪ੍ਰਕ੍ਰਿਤੀ ’ਚ ਐਂਟੀ-ਮਾੲਕਰੋਬੀਅਲ ਹੁੰਦਾ ਹੈ, ਜਿਸ ਨਾਲ ਡੈਂਡਰਫ ਵੀ ਘੱਟ ਹੁੰਦਾ ਹੈ

ਕਿਵੇਂ ਬਣਾਈਏ ਪੁਦੀਨੇ ਦਾ ਤੇਲ:

ਪੁਦੀਨੇ ਦੇ ਕੁਝ ਪੱਤਿਆਂ ਨੂੰ ਚਮਚ ਦੇ ਉਲਟੀ ਸਾਈਡ ਨਾਲ ਚੂਰ ਲਓ ਹੁਣ ਇਨ੍ਹਾਂ ਪੱਤਿਆਂ ਨੂੰ ਜਾਰ ’ਚ ਬਾਦਾਮ ਤੇਲ ਦੇ ਨਾਲ ਪਾਓ ਅਤੇ ਦੋ ਤੋਂ ਤਿੰਨ ਦਿਨਾਂ ਲਈ ਇਸ ਜਾਰ ਨੂੰ ਧੁੱਪ ’ਚ ਰੱਖ ਦਿਓ ਇਸ ਤੋਂ ਬਾਅਦ ਤੇਲ ਨੂੰ ਨਿਤਾਰ ਲਓ ਹੁਣ ਇਹ ਤੇਲ ਇਸਤੇਮਾਲ ਲਈ ਤਿਆਰ ਹੈ

ਨਿੰਮ ਅਤੇ ਤੁਲਸੀ ਦਾ ਤੇਲ

ਇਸ ਹਰਬਲ ਤੇਲ ਨੂੰ ਬਣਾਉਣ ’ਚ ਨਿੰਮ ਅਤੇ ਤੁਲਸੀ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ, ਜੋ ਵਾਲਾਂ ਨੂੰ ਝੜਨ ਤੋਂ ਬਚਾਉਂਦਾ ਹੈ ਅਤੇ ਸਕੈਲਪ ਨੂੰ ਵੀ ਸਿਹਤਮੰਦ ਰੱਖਦਾ ਹੈ ਇਨ੍ਹਾਂ ਦੇ ਐਂਟੀ-ਮਾਇਕ੍ਰੋਬੀਅਲ ਅਤੇ ਐਂਟੀਸੈਪਟਿਕ ਗੁਣ ਖੁਜਲੀ ਵਾਲੇ ਸਕੈਲਪਾਂ ਨੂੰ ਠੀਕ ਕਰਦੇ ਹਨ ਅਤੇ ਡੈਂਡਰਫਾਂ ਤੋਂ ਵੀ ਬਚਾਉਂਦੇ ਹਨ ਇਹ ਤੇਲ ਵਾਲਾਂ ਨੂੰ ਵਧਣ ’ਚ ਮੱਦਦ ਕਰਦਾ ਹੈ ਅਤੇ ਵਾਲਾਂ ਨੂੰ ਡਰਾਈਨੈੱਸ ਤੋਂ ਬਚਾਉਂਦਾ ਹੈ, ਨਾਲ ਹੀ ਪੋਸ਼ਣ ਵੀ ਦਿੰਦਾ ਹੈ

ਕਿਵੇਂ ਬਣਾਈਏ ਹਰਬਲ ਨਿੰਮ ਅਤੇ ਤੁਲਸੀ ਦਾ ਤੇਲ:

ਇਸ ਤੇਲ ਨੂੰ ਬਣਾਉਣ ਲਈ ਤੁਹਾਨੂੰ ਨਾਰੀਅਲ ਤੇਲ, ਤਾਜ਼ੀ ਤੁਲਸੀ ਦੇ ਪੱਤਿਆਂ, ਨਿੰਮ ਦੇ ਪੱਤਿਆਂ ਅਤੇ ਮੇਥੀ ਦੇ ਦਾਣੇ ਬਰਾਬਰ ਮਾਤਰਾ ’ਚ ਚਾਹੀਦੇ ਹਨ ਇਨ੍ਹਾਂ ਸਭ ਨੂੰ ਪੀਸ ਕੇ ਉੱਬਾਲ ਲਓ ਇਸ ਤੋਂ ਬਾਅਦ ਇਸ ਮਿਸ਼ਰਨ ਨੂੰ ਨਿਤਾਰ ਲਓ ਫਿਰ ਇੱਕ ਜਾਰ ’ਚ ਸਟੋਰ ਕਰਕੇ ਰੱਖ ਲਓ ਹੁਣ ਇਸ ਨੂੰ ਜਦੋਂ ਚਾਹੇ ਲਾ ਸਕਦੇ ਹੋ

ਨਿੰਬੂ ਦਾ ਤੇਲ

ਨਿੰਬੂ ’ਚ ਸਿਟ੍ਰਿਕ ਐਸਿਡ ਹੁੰਦਾ ਹੈ, ਜੋ ਵਾਲਾਂ ਦੇ ਰੋਮ ਛਿੱਦਰਾਂ ਨੂੰ ਕਮਜ਼ੋਰ ਹੋਣ ਤੋਂ ਬਚਾਉਂਦਾ ਹੈ ਅਤੇ ਇਸ ਤਰ੍ਹਾਂ ਨਾਲ ਵਾਲ ਘੱਟ ਡਿੱਗਦੇ ਹਨ ਇਹ ਸਕੈਲਪ ਦੇ ਰੋਮ ਛਿੱਦਰਾਂ ਨੂੰ ਖੋਲ੍ਹਦਾ ਹੈ ਅਤੇ ਇਸ ਤਰ੍ਹਾਂ ਨਾਲ ਡੈਂਡਰਫ ਵੀ ਘੱਟ ਹੁੰਦੇ ਹਨ ਇਸ ਤੇਲ ਨੂੰ ਲਗਾਉਣ ਤੋਂ ਪਹਿਲਾਂ ਪੈਚ ਟੈਸਟ ਜ਼ਰੂਰ ਕਰ ਲਓ ਕਿਉਂਕਿ ਸੰਭਵ ਹੈ ਕਿ ਇਹ ਤੁਹਾਡੇ ਸਕੈਲਪ ਨੂੰ ਨਾ ਸੂਟ ਕਰੇ

ਕਿਵੇਂ ਬਣਾਈਏ ਨਿੰਬੂ ਦਾ ਤੇਲ:

ਨਿੰਬੂ ਦੇ ਤੇਲ ਨੂੰ ਬਣਾਉਣ ਲਈ ਤੁਹਾਨੂੰ ਨਿੰਬੂ ਦੇ ਬਾਹਰੀ ਲੇਅਰ ਨੂੰ ਘਿਸਣਾ ਹੋਵੇਗਾ ਹੁਣ ਇਸ ਨੂੰ ਆਲਿਵ ਆੱਇਲ ਦੇ ਨਾਲ ਚੰਗੀ ਤਰ੍ਹਾਂ ਮਿਲਾਓ ਕੁਝ ਦਿਨਾਂ ਲਈ ਧੁੱਪ ’ਚ ਰੱਖੋ ਹੁਣ ਇਸ ਤੇਲ ਨੂੰ ਨਿਤਾਰ ਲਓ ਅਤੇ ਜਾਰ ’ਚ ਰੱਖ ਲਓ ਨਿੰਬੂ ਦਾ ਇਹ ਤੇਲ ਵਾਲਾਂ ’ਤੇ ਲਗਾਉਣ ਲਈ ਤਿਆਰ ਹੋ ਚੁੱਕਿਆ ਹੈ

ਗੁਡਹਲ ਦਾ ਤੇਲ:

ਗੁੜਹਲ ਦੇ ਫੁੱਲ ਨੂੰ ਵਾਲਾਂ ਦੀ ਗਰੋਥ ਲਈ ਬਹੁਤ ਚੰਗਾ ਮੰਨਿਆ ਜਾਂਦਾ ਹੈ, ਇਹ ਜੜ੍ਹਾਂ ਨੂੰ ਮਜ਼ਬੂਤ ਕਰਦਾ ਹੈ ਅਤੇ ਟੁੱਟਣ ਤੋਂ ਬਚਾਉਂਦਾ ਹੈ ਇਹ ਸਕੈਲਪ ਨੂੰ ਪੋਸ਼ਣ ਦਿੰਦਾ ਹੈ ਅਤੇ ਬਲੱਡ ਸਰਕੂਲੇਸ਼ਨ ਨੂੰ ਵਧਾਉਂਦਾ ਹੈ

ਕਿਵੇਂ ਬਣਾਈਏ ਗੁਡਹਲ ਦੇ ਫੁੱਲ ਦਾ ਤੇਲ:

ਇਸ ਤੇਲ ਨੂੰ ਬਣਾਉਣ ਲਈ, ਤੁਹਾਨੂੰ ਕਰੀਬ ਅੱਠ ਗੁੜਹਲ ਦੇ ਫੁੱਲ ਚਾਹੀਦੇ ਹਨ ਇਨ੍ਹਾਂ ਨੂੰ ਮਿਲਾ ਕੇ ਬਾਰੀਕ ਪੇਸਟ ਬਣਾ ਲਓ ਇਸ ਪੇਸਟ ਨੂੰ ਕਿਸੇ ਬਰਤਨ ’ਚ ਪਾਓ ਅਤੇ ਇਸ ’ਚ ਨਾਰੀਅਲ ਦਾ ਤੇਲ ਮਿਲਾਓ ਜਦੋਂ ਇਸ ਦਾ ਰੰਗ ਬਦਲਣ ਲੱਗੇ, ਤਾਂ ਗੈਸ ਬੰਦ ਕਰ ਦਿਓ ਅਤੇ ਮਿਸ਼ਰਨ ਨੂੰ ਠੰਡਾ ਹੋਣ ਦਿਓ ਤੇਲ ਨੂੰ ਛਾਣ ਲਓ ਅਤੇ ਕਿਸੇ ਜਾਰ ’ਚ ਰੱਖ ਦਿਓ ਇਹ ਤੇਲ ਵਾਲਾਂ ’ਤੇ ਇਸਤੇਮਾਲ ਦੇ ਲਈ ਤਿਆਰ ਹੈ

ਕਾਲੇ ਜ਼ੀਰੇ ਦਾ ਤੇਲ:

ਕਾਲਾ ਜ਼ੀਰਾ ਸਕੈਲਪ ਨੂੰ ਸਿਹਤਮੰਦ ਰੱਖਣ ’ਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ ਇਸ ਤੇਲ ’ਚ ਐਂਟੀ-ਇੰਫਲੇਮੈਂਟਰੀ ਗੁਣ ਹੁੰਦੇ ਹਨ, ਜੋ ਸੈਕਲਪ ਨੂੰ ਸਾਫ ਅਤੇ ਡਰਾਈ ਰੱਖਦੇ ਹਨ ਇਹ ਤੇਲ ਵਾਲਾਂ ਦੇ ਵਧਣ ’ਚ ਮੱਦਦ ਕਰਦਾ ਹੈ ਅਤੇ ਸਮੇਂ ਤੋਂ ਪਹਿਲਾਂ ਸਫੈਦ ਹੋਣ ਤੋਂ ਰੋਕਦਾ ਹੈ

ਕਿਵੇਂ ਬਣਾਈਏ ਕਾਲੇ ਜ਼ੀਰੇ ਦਾ ਤੇਲ:

5 ਕੱਪ ਪਾਣੀ ਅਤੇ 2 ਮੁੱਠੀ ਕਾਲੇ ਜ਼ੀਰੇ ਨੂੰ ਇੱਕ ਬਰਤਨ ’ਚ ਪਾਓ ਇਸ ਨੂੰ 10 ਮਿੰਟਾਂ ਲਈ ਉਬਾਲੋ ਅਤੇ ਮਿਸ਼ਰਨ ਨੂੰ ਠੰਡਾ ਹੋਣ ਲਈ ਰੱਖ ਦਿਓ ਹੁਣ ਇਸ ਨੂੰ ਛਾਣ ਲਓ ਅਤੇ ਇਸ ’ਚ ਇੱਕ ਚਮਚ ਐਕਸਟਰਾ ਵਰਜ਼ਿਨ ਆੱਇਲ ਮਿਲਾ ਲਓ ਫਿਰ ਕਿਸੇ ਕੰਟੇਨਰ ’ਚ ਸਟੋਰ ਕਰ ਲਓ ਹੁਣ ਤੁਸੀਂ ਇਸ ਤੇਲ ਦਾ ਇਸਤੇਮਾਲ ਕਰ ਸਕਦੇ ਹੋ

ਆਂਵਲੇ ਦਾ ਤੇਲ:

ਆਂਵਲੇ ’ਚ ਕਈ ਪੋਸ਼ਕ ਤੱਤ ਹੁੰਦੇ ਹਨ, ਜੋ ਵਾਲਾਂ ਦੇ ਵਧਣ ਅਤੇ ਸਕੈਲਪ ਨੂੰ ਸਿਹਤਮੰਦ ਰੱਖਣ ’ਚ ਮੱਦਦ ਕਰਦੇ ਹਨ ਇਹ ਵਾਲਾਂ ਨੂੰ ਸਮੇਂ ਨਾਲ ਅਫਲੇ ਸਫੈਦ ਹੋਣ ਤੋਂ ਵੀ ਬਚਾਉਂਦਾ ਹੈ

ਕਿਵੇਂ ਬਣਾਈਏ ਆਂਵਲੇ ਦਾ ਤੇਲ:

ਆਂਵਲੇ ’ਚੋਂ ਬੀਜ ਕੱਢ ਲਓ ਹੁਣ ਲਗਭਗ 8 ਤੋਂ 10 ਆਂਵਲੇ ਲਓ ਅਤੇ ਇਸ ਨੂੰ ਪਾਣੀ ਨਾਲ ਮਿਲਾ ਕੇ ਗਰਾਇੰਡ ਕਰ ਲਓ ਹੁਣ ਇਸ ਨੂੰ ਕਿਸੇ ਬਰਤਨ ’ਚ ਕੱਢ ਲਓ ਇਸ ’ਚ ਇੱਕ ਕੱਪ ਨਾਰੀਅਲ ਤੇਲ ਨੂੰ ਮਿਲਾਓ ਇਨ੍ਹਾਂ ਦੋਵਾਂ ਨੂੰ 10 ਤੋਂ 15 ਮਿੰਟ ਲਈ ਉਬਾਲ ਲਓ ਜਦੋਂ ਇਹ ਮਿਸ਼ਰਨ ਬਰਾਊਨ ਕਲਰ ਦਾ ਹੋ ਜਾਵੇ, ਤਾਂ ਗੈਸ ਨੂੰ ਬੰਦ ਕਰ ਦਿਓ ਠੰਡਾ ਹੋਣ ’ਤੇ ਇੱਕ ਕੰਟੇਨਰ ’ਚ ਕਢੋ ਤੁਹਾਡਾ ਇਹ ਤੇਲ ਇਸਤੇਮਾਲ ਲਈ ਤਿਆਰ ਹੈ

ਅਕਸਰ ਪੁੱਛੇ ਜਾਣ ਵਾਲੇ ਸਵਾਲ

ਵਾਲਾਂ ਦੀ ਗਰੋਥ ਲਈ ਕਿਹੜਾ ਤੇਲ ਵਧੀਆ ਹੈ?

ਆਸਾਨੀ ਨਾਲ ਉਪਲੱਬਧ ਤੇਲ ਦੀ ਗੱਲ ਕਰੀਏ, ਤਾਂ ਨਾਰੀਅਲ ਤੇਲ ਵਧੀਆ ਹੈ ਇਸ ਤੋਂ ਇਲਾਵਾ, ਬਾਦਾਮ ਤੇਲ, ਕਾਲੇ ਜ਼ੀਰੇ ਦਾ ਤੇਲ ਅਤੇ ਕੈਸਟਰ ਆੱਇਲ ਵਾਲਾਂ ਦੇ ਵਧਣ ਲਈ ਵਧੀਆ ਹੈ

ਤੇਲ ’ਚ ਕਿਸ ਸਮੱਗਰੀ ਨੂੰ ਮਿਲਾਉਣ ਤੋਂ ਬਾਅਦ ਇਹ ਵਾਲਾਂ ਦੀ ਗਰੋਥ ’ਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ?

ਗੁੜਹਲ ਦੇ ਫੁੱਲ ਵਾਲਾਂ ਦੇ ਝੜਨ ਨੂੰ ਘੱਟ ਕਰਦੇ ਹਨ ਗੰਢਿਆਂ ਦਾ ਤੇਲ ਵੀ ਡਿੱਗਦੇ ਵਾਲਾਂ ਦੀ ਥੈਰੇਪੀ ’ਚ ਵਧੀਆ ਤੌਰ ’ਤੇ ਕੰਮ ਕਰਦਾ ਹੈ

ਕੀ ਵਾਲਾਂ ’ਚ ਰੈਗੂਲਰ ਤੌਰ ’ਤੇ ਤੇਲ ਲਗਾਉਣਾ ਠੀਕ ਰਹਿੰਦਾ ਹੈ?

ਇਹ ਤੁਹਾਡੇ ਸਕੈਲਪ ’ਤੇ ਨਿਰਭਰ ਕਰਦਾ ਹੈ ਕਿ ਤੁਹਾਨੂੰ ਹਫ਼ਤੇ ’ਚ ਇੱਕ ਜਾਂ ਦੋ ਵਾਰ ਤੇਲ ਲਗਾਉਣਾ ਚਾਹੀਦਾ ਹੈ ਤੁਹਾਨੂੰ ਜਿਸ ਦਿਨ ਆਪਣੇ ਵਾਲਾਂ ’ਚ ਸ਼ੈਂਪੂ ਕਰਨਾ ਹੈ, ਉਸ ਦੀ ਇੱਕ ਰਾਤ ਪਹਿਲਾਂ ਤੁਹਾਨੂੰ ਆਪਣੇ ਵਾਲਾਂ ’ਚ ਤੇਲ ਲਗਾਉਣਾ ਚਾਹੀਦਾ ਹੈ

ਕੋਈ ਜਵਾਬ ਛੱਡਣਾ

ਕਿਰਪਾ ਕਰਕੇ ਆਪਣੀ ਟਿੱਪਣੀ ਦਰਜ ਕਰੋ!
ਕਿਰਪਾ ਕਰਕੇ ਇੱਥੇ ਆਪਣਾ ਨਾਮ ਦਰਜ ਕਰੋ
Captcha verification failed!
CAPTCHA user score failed. Please contact us!