ਪੂਜਨੀਕ ਬੇਪਰਵਾਹ ਸਾਈਂ ਸ਼ਾਹ ਮਸਤਾਨਾ ਜੀ ਮਹਾਰਾਜ ਦਾ ਰਹਿਮੋ-ਕਰਮ

ਪ੍ਰੇਮੀ ਗੁਰਮੁੱਖ ਇੰਸਾਂ ਪੁੱਤਰ ਸ੍ਰੀ ਰਾਮ ਸਿੰਘ ਕਲਿਆਣ ਨਗਰ, ਸਰਸਾ ਤੋਂ ਆਪਣੇ ਉੱਪਰ ਹੋਈ ਅਪਾਰ ਰਹਿਮਤ ਦਾ ਵਰਣਨ ਇਸ ਤਰ੍ਹਾਂ ਨਾਲ ਲਿਖਤ ਰੂਪ ’ਚ ਕਰਦਾ ਹੈ:-

ਸੰਨ 1976 ਦੀ ਗੱਲ ਹੈ ਅਸੀਂ ਸਰਸਾ ਸ਼ਹਿਰ ਤੋਂ ਕਲਿਆਣ ਨਗਰ ’ਚ ਆ ਕੇ ਵੱਸ ਗਏ ਉਸ ਸਮੇਂ ਉੱਥੇ ਪੰਜ-ਛੇ ਘਰ ਸਨ ਉਨ੍ਹਾਂ ਦਿਨੀਂ ਮੈਨੂੰ ਇੱਕ ਅਜੀਬ ਕਿਸਮ ਦਾ ਬੁਖਾਰ ਚੜਿ੍ਹਆ ਜੋ ਉਤਰਨ ਦਾ ਨਾਂਅ ਹੀ ਨਹੀਂ ਲੈਂਦਾ ਸੀ ਮੈਂ ਦਵਾਈ ਲੈਂਦਾ ਤਾਂ ਜ਼ਿਆਦਾ ਚੜ੍ਹ ਜਾਂਦਾ ਡਾਕਟਰ ਬਦਲ-ਬਦਲ ਕੇ ਦਵਾਈ ਲਈ ਪਰ ਕੋਈ ਫਾਇਦਾ ਨਾ ਹੋਇਆ ਮੈਂ ਐਨਾ ਕਮਜ਼ੋਰ ਹੋ ਗਿਆ ਸੀ ਕਿ ਮੇਰੇ ਤੋਂ ਚੱਲਿਆ ਨਹੀਂ ਜਾਂਦਾ ਸੀ ਹੌਲੀ-ਹੌਲੀ ਮੇਰਾ ਖਾਣਾ-ਪੀਣਾ ਵੀ ਛੁੱਟ ਗਿਆ ਹਾਲਤ ਐਨੀ ਵਿਗੜ ਗਈ ਸੀ।

ਕਿ ਬੈਠਿਆ ਵੀ ਨਹੀਂ ਜਾਂਦਾ ਸੀ ਜਦੋਂ ਬੈਠਣ ਦੀ ਕੋਸ਼ਿਸ਼ ਕਰਦਾ ਤਾਂ ਅੱਖਾਂ ਦੇ ਅੱਗੇ ਹਨੇ੍ਹਰਾ ਆ ਜਾਂਦਾ ਕਮਜ਼ੋਰੀ ਨਾਲ ਮੇਰੀ ਆਵਾਜ਼ ਵੀ ਬੰਦ ਹੋ ਗਈ ਮੈਂ ਸ਼ਹਿਨਸ਼ਾਹ ਮਸਤਾਨਾ ਜੀ ਮਹਾਰਾਜ ਤੋਂ ਨਾਮ ਲਿਆ ਹੋਇਆ ਹੈ ਪਹਿਲਾਂ ਮੈਂ ਨਾਮ ਜਪਿਆ ਕਰਦਾ ਸੀ ਪਰ ਬੀਮਾਰੀ ਅਤੇ ਕਮਜ਼ੋਰੀ ਕਾਰਨ ਉਦੋਂ ਨਾਮ ਵੀ ਜਪਿਆ ਨਹੀਂ ਜਾ ਰਿਹਾ ਸੀ ਮੈਂ ਸੋਚਿਆ, ਚਲੋ ‘ਧੰਨ ਧੰਨ ਸਤਿਗੁਰੂ ਤੇਰਾ ਹੀ ਆਸਰਾ’ ਨਾਅਰੇ ਦਾ ਸਿਮਰਨ ਕਰਦਾ ਹਾਂ ਮੈਂ ਮੁਸ਼ਕਲ ਨਾਲ ਅੱਧਾ ਘੰਟਾ ਸਿਮਰਨ ਕੀਤਾ ਕਿ ਮੈਨੂੰ ਮਾਲਕ ਨੇ ਇੱਕ ਦ੍ਰਿਸ਼ਟਾਂਤ ਦਿਖਾਇਆ।

ਮੈਂ ਦੇਖਿਆ ਸਾਡੇ ਘਰ ਦੇ ਛੋਟੇ ਜਿਹੇ ਵਿਹੜੇ ’ਚ ਇੱਕ ਛੋਟਾ ਜਿਹਾ ਹੈਲੀਕਾਪਟਰ ਉਤਰਿਆ ਉਸ ’ਚੋਂ ਸ਼ਹਿਨਸ਼ਾਹ ਮਸਤਾਨਾ ਜੀ ਮਹਾਰਾਜ ਅਤੇ ਉਨ੍ਹਾਂ ਦੇ ਦੂਜੇ ਸਵਰੂਪ ਪੂਜਨੀਕ ਪਰਮਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਬਾਹਰ ਆਏ ਦੋਨੋਂ ਪੂਜਨੀਕ ਸਤਿਗੁਰੂ ਜੀ ਦੇ ਆਕਾਰ ਬਿਲਕੁੱਲ ਛੋਟੇ-ਛੋਟੇ ਸਨ, ਪਰ ਸਵਰੂਪ ਹੂ-ਬ-ਹੂ ਸਨ ਜਦੋਂ ਮੇਰੇ ਵੱਲ ਆਏ ਤਾਂ ਉਨ੍ਹਾਂ ਦਾ ਆਕਾਰ ਪੂਰਾ ਸਹੀ ਹੋ ਗਿਆ ਐਨੇ ’ਚ ਪਰਮ ਪਿਤਾ ਜੀ ਨੇ ਇੱਕ ਪਾਸੇ ਹੱਥ ਨਾਲ ਇਸ਼ਾਰਾ ਕੀਤਾ ਤਾਂ ਉੱਧਰ ਸਟੇਜ ਲੱਗ ਗਈ ਪਰਮ ਪਿਤਾ ਜੀ ਸਟੇਜ ’ਤੇ ਬਿਰਾਜਮਾਨ ਹੋ ਗਏ ਸ਼ਹਿਨਸ਼ਾਹ ਮਸਤਾਨਾ ਜੀ ਮਹਾਰਾਜ ਨੇ ਆਪਣੇ ਹੱਥ ’ਚ ਲਏ ਇੱਕ ਛੋਟੇ ਅਟੈਚੀ ’ਚੋਂ ਵੱਡੀ ਸਰਿੰਜ ਅਤੇ ਟੀਕਾ ਕੱਢਿਆ ਸ਼ਹਿਨਸ਼ਾਹ ਜੀ ਦੀ ਕ੍ਰਿਪਾ ਨਾਲ ਮੇਰੇ ’ਚ ਤਾਕਤ ਆਈ।

ਮੈਂ ਉੱਚੀ ਆਵਾਜ਼ ’ਚ ਆਪਣੇ ਬੱਚਿਆਂ ਨੂੰ ਕਿਹਾ ਕਿ ਸਾਈਂ ਜੀ ਲਈ ਸੁੰਦਰ ਕੁਰਸੀ ਅਤੇ ਗੱਦਾ ਲਿਆਓ ਮੇਰੀ ਗੱਲ ’ਤੇ ਕਿਸੇ ਨੇ ਅਮਲ ਨਹੀਂ ਕੀਤਾ ਮੇਰੀ ਪਤਨੀ ਨੇ ਕਿਹਾ ਕਿ ਸਾਈਂ ਮਸਤਾਨਾ ਜੀ ਆ ਗਏ ਹਨ ਐਨਾ ਸੁਣ ਕੇ ਮੇਰੀਆਂ ਬੇਟੀਆਂ ਅਤੇ ਮੇਰੀ ਨੂੰਹ ਜ਼ੋਰ-ਜ਼ੋਰ ਨਾਲ ਰੋਣ ਲੱਗੀ ਕਿ ਸਾਡੇ ਪਾਪਾ ਚੋਲਾ ਛੱਡ ਜਾਣਗੇ ਕਿਉਂਕਿ ਮਸਤਾਨਾ ਜੀ ਉਨ੍ਹਾਂ ਨੂੰ ਲੈਣ ਆ ਗਏ ਹਨ ਮੇਰੀ ਪਤਨੀ ਨੇ ਉਨ੍ਹਾਂ ਨੂੰ ਦਿਲਾਸਾ ਦਿੰਦੇ ਹੋਏ ਕਿਹਾ ਕਿ ਸਭ ਨੇ ਹੀ ਜਾਣਾ ਹੈ, ਕੀ ਹੋ ਗਿਆ ਜੇਕਰ ਲੈਣ ਆ ਗਏ ਹਨ ਉਸ ਸਮੇਂ ਮੈਨੂੰ ਬਹੁਤ ਗੁੱਸਾ ਆਇਆ ਕਿ ਮੇਰੀ ਗੱਲ ਕਿਸੇ ਨੇ ਨਹੀਂ ਸੁਣੀ, ਜਦਕਿ ਮੇਰੇ ਸਤਿਗੁਰੂ ਜੀ ਮੇਰੇ ਕੋਲ ਖੜ੍ਹੇ ਸਨ ਜਦੋਂ ਮੈਨੂੰ ਗੁੱਸਾ ਆਇਆ ਉਸੇ ਸਮੇਂ ਸ਼ਹਿਨਸ਼ਾਹ ਜੀ ਅਲੋਪ ਹੋ ਗਏ ਮੈਂ ਗੁੱਸੇ ’ਚ ਆ ਕੇ ਇੱਥੋਂ ਤੱਕ ਕਹਿ ਦਿੱਤਾ ਕਿ ਮੈਂ ਤੁਹਾਡਾ ਘਰ ਛੱਡ ਦੇਵਾਂਗਾ।

ਘਰ ’ਚੋਂ ਨਿਕਲ ਜਾਵਾਂਗਾ ਅਗਲੇ ਦਿਨ ਸਵੇਰੇ ਪੰਜ ਵਜੇ ਡੇਰਾ ਸੱਚਾ ਸੌਦਾ ’ਚ ਗੱਦੀਨਸ਼ੀਨ ਬੇਪਰਵਾਹ ਮਸਤਾਨਾ ਜੀ ਮਹਾਰਾਜ ਦੇ ਦੂਜੇ ਸਵਰੂਪ ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਅਚਾਨਕ ਕਲਿਆਣ ਨਗਰ ’ਚ ਪਧਾਰੇ ਕਈ ਸਤਿਸੰਗੀਆਂ ਦੇ ਘਰਾਂ ’ਚ ਹੁੰਦੇ ਹੋਏ ਸ਼ਹਿਨਸ਼ਾਹ ਜੀ ਜਗਦੀਸ਼ ਫੋਰਮੈਨ (ਬਿਜਲੀ ਵਾਲੇ) ਦੇ ਘਰ ਆ ਗਏ ਉਨ੍ਹਾਂ ਦਾ ਘਰ ਬਿਲਕੁਲ ਮੇਰੇ ਗੁਆਂਢ ’ਚ ਹੈ ਮੇਰੀ ਪਤਨੀ ਅਤੇ ਬੱਚੇ ਵੀ ਪਰਮ ਪਿਤਾ ਜੀ ਦੇ ਦਰਸ਼ਨ ਕਰਨ ਲਈ ਪ੍ਰੇਮੀ ਜਗਦੀਸ਼ ਜੀ ਦੇ ਘਰ ਚਲੇ ਗਏ ਮੈਨੂੰ ਵੀ ਸਭ ਪਤਾ ਚੱਲ ਗਿਆ ਸਤਿਗੁਰੂ ਜੀ ਦੀ ਦਇਆ ਨਾਲ ਮੈਂ ਵੀ ਹਿੰਮਤ ਕਰਕੇ ਦੀਵਾਰਾਂ ਨੂੰ ਹੱਥ ਲਗਾਉਂਦਾ ਹੋਇਆ ਜਗਦੀਸ਼ ਦੇ ਘਰ ਚਲਿਆ ਗਿਆ ਮੈਂ ਪੂਜਨੀਕ ਪਰਮ ਪਿਤਾ ਜੀ ਨੂੰ ਉੱਥੋਂ ਦੂਰ ਤੋਂ ਸੱਜਦਾ ਕੀਤਾ ਪਰਮ ਪਿਤਾ ਜੀ ਨੇ ਮੇਰੇ ਵੱਲ ਇਸ਼ਾਰਾ ਕਰਦੇ ਹੋਏ ਪੁੱਛਿਆ, ‘ਭਾਈ! ਗੁਰਮੁਖ ਢਿੱਲਾ-ਮੱਠਾ ਹੈ?’ ਮੈਂ ਐਨਾ ਕਮਜ਼ੋਰ ਸੀ ਕਿ ਮੇਰੀ ਆਵਾਜ਼ ਹੀ ਨਹੀਂ ਨਿਕਲੀ।

ਪ੍ਰੇਮੀ ਜਗਦੀਸ਼ ਨੇ ਕਿਹਾ ਕਿ ਹਾਂ ਜੀ ਪਿਤਾ ਜੀ, ਢਿੱਲਾ ਹੈ ਦਿਆਲੂ ਸਤਿਗੁਰੂ ਪਰਮ ਪਿਤਾ ਜੀ ਨੇ ਬਚਨ ਫਰਮਾਇਆ, ‘‘ਭਾਈ! ਗੁਰਮੁਖ ਨੂੰ ਚਾਹ ਪਿਲਾਓ’’ ਮੈਂ ਜਗਦੀਸ਼ ਨੂੰ ਇਸ਼ਾਰੇ ਨਾਲ ਕਿਹਾ ਕਿ ਨਾ ਬਣਾਉਣਾ ਮੇਰੇ ਤੋਂ ਪੀਤੀ ਨਹੀਂ ਜਾਵੇਗੀ ਫਿਰ ਇਸ਼ਾਰਾ ਕੀਤਾ ਕਿ ਥੋੜ੍ਹੀ ਜਿਹੀ ਇੱਕ ਘੁੱਟ ਬਣਾ ਦੇਣਾ ਪਰ ਜਗਦੀਸ਼ ਕਹਿਣ ਲੱਗਾ ਕਿ ਪਹਿਲਾਂ ਤਾਂ ਇੱਕ ਕੱਪ ਪਿਆਉਣਾ ਸੀ ਹੁਣ ਪਰਮਪਿਤਾ ਜੀ ਦੇ ਬਚਨ ਅਨੁਸਾਰ ਦੋ ਕੱਪ ਪਿਆਵਾਂਗਾ ਮੈਂ ਇਸ਼ਾਰੇ ਨਾਲ ਇਨਕਾਰ ਕੀਤਾ।

ਤਾਂ ਉਹ ਪਸ਼ੂਆਂ ਨੂੰ ਦੇਣ ਵਾਲੀ ਨਲਕੀ(ਨਾਲ) ਵੱਲ ਇਸ਼ਾਰਾ ਕਰਕੇ ਬੋਲਿਆ ਕਿ ਉਸ ਨਲਕੀ ’ਚ ਪਾ ਕੇ ਤੇਰੇ ਅੰਦਰ ਪਹੁੰਚਾ ਦੇਵਾਂਗਾ ਮੈਨੂੰ ਬਹੁਤ ਹਾਸਾ ਆਇਆ ਮੈਂ ਦੋ ਕੱਪ ਚਾਹ ਪੀ ਲਈ ਚਾਹ ਪੀਂਦੇ ਹੀ ਮੈਨੂੰ ਐਵੇਂ ਲੱਗਿਆ ਕਿ ਮੈਂ ਠੀਕ ਹੋ ਗਿਆ ਘਰ ਆ ਕੇ ਫਿਰ ਚਾਹ ਪੀਤੀ ਬੁਖਾਰ ਦਾ ਨਾਮੋਨਿਸ਼ਾਨ ਮਿੱਟ ਗਿਆ ਮੈਂ ਉਸੇ ਦਿਨ ਤੋਂ ਤੰਦਰੁਸਤ ਹੋ ਗਿਆ। ਇਸ ਤਰ੍ਹਾਂ ਨਾਲ ਬੇਪਰਵਾਹ ਮਸਤਾਨਾ ਜੀ ਮਹਾਰਾਜ ਦੇ ਦਰਸ਼ਨਾਂ ਅਤੇ ਉਨ੍ਹਾਂ ਦੇ ਸਵਰੂਪ ਪਰਮ ਪਿਤਾ ਜੀ ਦੇ ਬਚਨਾਂ ਨਾਲ ਮੇਰਾ ਭਾਰੀ ਅਸਾਧ ਰੋਗ ਅਰਥਾਤ ਮੌਤ ਵਰਗਾ ਭਿਆਨਕ ਕਰਮ ਕੱਟਿਆ ਗਿਆ ਮੈਂ ਪੂਜਨੀਕ ਸਤਿਗੁਰੂ ਜੀ ਦੇ ਉਪਕਾਰਾਂ ਦਾ ਬਦਲਾ ਕਿਸੇ ਤਰ੍ਹਾਂ ਨਾਲ ਵੀ ਨਹੀਂ ਚੁਕਾ ਸਕਦਾ। ਮੈਂ ਸਤਿਗੁਰੂ ਜੀ ਦੀਆਂ ਤਿੰਨੋਂ ਬਾਡੀਆਂ ਦੀ ਸੋਹਬਤ ਕੀਤੀ ਹੈ ਅਤੇ ਉਨ੍ਹਾਂ ਦੇ ਰਹਿਮੋ-ਕਰਮ ਨਾਲ ਕਰ ਰਿਹਾ ਹਾਂ ਤਿੰਨੋਂ ਬਾਡੀਆਂ ਇੱਕ ਹੀ ਸਤਿਗੁਰੂ ਦਾ ਨੂਰ ਹਨ ਮੇਰੀ ਪੂਜਨੀਕ ਹਜ਼ੂਰ ਪਿਤਾ ਜੀ ਦੇ ਚਰਨਾਂ ’ਚ ਇਹੀ ਬੇਨਤੀ ਹੈ ਕਿ ਹੇ ਪਿਤਾ ਜੀ! ਮੇਰੀ ਓੜ ਨਿਭਾ ਦੇਣਾ ਜੀ।

ਕੋਈ ਜਵਾਬ ਛੱਡਣਾ

ਕਿਰਪਾ ਕਰਕੇ ਆਪਣੀ ਟਿੱਪਣੀ ਦਰਜ ਕਰੋ!
ਕਿਰਪਾ ਕਰਕੇ ਇੱਥੇ ਆਪਣਾ ਨਾਮ ਦਰਜ ਕਰੋ
Captcha verification failed!
CAPTCHA user score failed. Please contact us!