ਬਾਲਕਨੀ ਨੂੰ ਈਕੋਫਰੈਂਡਲੀ ਅਤੇ ਸਟਾਈਲਿਸ਼ ਬਣਾਓ
ਅੱਜ-ਕੱਲ੍ਹ ਦੇ ਸਮੇਂ ’ਚ ਹਰ ਕੋਈ ਆਪਣੇ ਘਰ ਦੇ ਹਰ ਕੋਨੇ ਨੂੰ ਖੂਬਸੂਰਤ ਅਤੇ ਆਰਾਮਦਾਇਕ ਬਣਾਉਣਾ ਚਾਹੁੰਦਾ ਹੈ ਬਾਲਕਨੀ, ਜੋ ਪਹਿਲਾਂ ਘਰ ਦਾ ਇੱਕ ਆਮ ਹਿੱਸਾ ਹੋਇਆ ਕਰਦੀ ਸੀ, ਹੁਣ ਆਧੁਨਿਕ ਘਰਾਂ ’ਚ ਇੱਕ ਖਾਸ ਥਾਂ ਬਣ ਚੁੱਕੀ ਹੈ ਜੇਕਰ ਤੁਸੀਂ ਵੀ ਆਪਣੀ ਬਾਲਕਨੀ ਨੂੰ ਸਜਾਉਣਾ ਚਾਹੁੰਦੇ ਹੋ, ਤਾਂ ਇਹ ਨਾ ਸਿਰਫ ਸੁੰਦਰਤਾ ਲਈ, ਸਗੋਂ ਵਾਤਾਵਰਨ ਲਈ ਵੀ ਫਾਇਦੇਮੰਦ ਹੋ ਸਕਦਾ ਹੈ ਅਤੇ ਇਹ ਸਭ ਤੁਸੀਂ ਬਿਨਾਂ ਜ਼ਿਆਦਾ ਖਰਚ ਕੀਤੇ ਵੀ ਕਰ ਸਕਦੇ ਹੋ
Table of Contents
ਤਾਂ ਆਓ! ਜਾਣਦੇ ਹਾਂ ਕਿ ਕਿਵੇਂ ਬਜਟ ’ਚ ਆਪਣੀ ਬਾਲਕਨੀ ਨੂੰ ਈਕੋਫਰੈਂਡਲੀ ਅਤੇ ਸਟਾਈਲਿਸ਼ ਤਰੀਕੇ ਨਾਲ ਸਜਾਇਆ ਜਾ ਸਕਦਾ ਹੈ
ਬੂਟਿਆਂ ਨਾਲ ਸਜਾਵਟ:
ਬੂਟੇ ਤੁਹਾਡੇ ਘਰ ਦੀ ਸੁੰਦਰਤਾ ਨੂੰ ਨਾ ਸਿਰਫ ਵਧਾਉਂਦੇ ਹਨ, ਸਗੋਂ ਵਾਤਾਵਰਨ ਨੂੰ ਵੀ ਲਾਭ ਪਹੁੰਚਾਉਂਦੇ ਹਨ ਬਾਲਕਨੀ ਨੂੰ ਸਜਾਉਣ ਦਾ ਸਭ ਤੋਂ ਸਸਤਾ ਅਤੇ ਈਕੋਫਰੈਂਡਲੀ ਤਰੀਕਾ ਹੈ -ਬੂਟਿਆਂ ਦੀ ਵਰਤੋਂ ਤੁਸੀਂ ਛੋਟੇ ਬੂਟੇ, ਹਰਬ ਗਾਰਡਨ, ਜਾਂ ਫਿਰ ਕੁਝ ਖੁਸ਼ਬੂਦਾਰ ਬੂਟੇ ਲਾ ਸਕਦੇ ਹੋ ਖਾਸ ਕਰਕੇ, ਜੇਕਰ ਤੁਹਾਡੇ ਕੋਲ ਘੱਟ ਜਗ੍ਹਾ ਹੈ, ਤਾਂ ਤੁਸੀਂ ਕੰਧ ’ਤੇ ਗਮਲੇ ਲਮਕਾ ਕੇ ਜਾਂ ਫਿਰ ਬਾਲਕਨੀ ਦੇ ਕੋਨਿਆਂ ’ਚ ਛੋਟੇ ਬੂਟੇ ਰੱਖ ਸਕਦੇ ਹੋ ਤੁਲਸੀ, ਐਲੋਵੇਰਾ, ਲੇਵੈਂਡਰ ਵਰਗੇ ਬੂਟੇ ਨਾ ਸਿਰਫ ਹਵਾ ਨੂੰ ਸ਼ੁੱਧ ਕਰਦੇ ਹਨ, ਸਗੋਂ ਘਰ ਦੀ ਸੁੰਦਰਤਾ ’ਚ ਵੀ ਇਜ਼ਾਫਾ ਕਰਦੇ ਹਨ
ਸੂਰਜ ਦੀ ਰੌਸ਼ਨੀ ਦਾ ਇਸਤੇਮਾਲ:
ਜੇਕਰ ਤੁਹਾਡੀ ਬਾਲਕਨੀ ’ਚ ਚੰਗੀ ਤਰ੍ਹਾਂ ਸੂਰਜ ਦੀ ਰੌਸ਼ਨੀ ਆਉਂਦੀ ਹੈ, ਤਾਂ ਤੁਹਾਨੂੰ ਬਿਜਲੀ ’ਤੇ ਖਰਚ ਕਰਨ ਦੀ ਲੋੜ ਨਹੀਂ ਹੈ ਸੂਰਜ ਦੀ ਰੌਸ਼ਨੀ ਦਾ ਸਹੀ ਤਰੀਕੇ ਨਾਲ ਇਸਤੇਮਾਲ ਕਰਕੇ ਤੁਸੀਂ ਆਪਣੀ ਬਾਲਕਨੀ ਨੂੰ ਰੌਸ਼ਨ ਅਤੇ ਹਵਾਦਾਰ ਬਣਾ ਸਕਦੇ ਹੋ ਇਸ ਤੋਂ ਇਲਾਵਾ, ਕੁਦਰਤੀ ਰੌਸ਼ਨੀ ਨਾਲ ਤੁਹਾਡੇ ਕਮਰੇ ਦਾ ਤਾਪਮਾਨ ਵੀ ਘੱਟ ਰਹਿੰਦਾ ਹੈ, ਜਿਸ ਨਾਲ ਬਿਜਲੀ ਦੀ ਵਰਤੋਂ ’ਚ ਕਮੀ ਆਉਂਦੀ ਹੈ ਅਤੇ ਤੁਹਾਨੂੰ ਘੱਟ ਊਰਜਾ ਦੀ ਖਪਤ ਕਰਨੀ ਪੈਂਦੀ ਹੈ
ਮੁੜ ਵਰਤੋਂ ਕਰਨ ਯੋਗ ਸਮੱਗਰੀ:
ਘੱਟ ਬਜਟ ’ਚ ਸਜਾਵਟ ਕਰਨ ਲਈ ਪੁਰਾਣੇ ਜਾਂ ਇਸਤੇਮਾਲ ਕੀਤੇ ਗਏ ਸਾਮਾਨ ਨੂੰ ਫਿਰ ਤੋਂ ਵਰਤੋਂ ’ਚ ਲਿਆਉਣਾ ਬਹੁਤ ਵਧੀਆ ਵਿਕਲਪ ਹੋ ਸਕਦਾ ਹੈ ਪੁਰਾਣੇ ਲੱਕੜ ਦੇ ਬਕਸਿਆਂ, ਫ਼ਰਨੀਚਰ, ਜਾਂ ਫਿਰ ਬੋਤਲਾਂ ਨੂੰ ਪੇਂਟ ਕਰਕੇ ਜਾਂ ਸਜਾ ਕੇ ਤੁਸੀਂ ਆਪਣੀ ਬਾਲਕਨੀ ਨੂੰ ਇੱਕ ਨਵਾਂ ਰੂਪ ਦੇ ਸਕਦੇ ਹੋ ਇਨ੍ਹਾਂ ਦੀ ਮੁੜ ਵਰਤੋਂ ਕਰਕੇ ਨਾ ਸਿਰਫ ਤੁਸੀਂ ਪੈਸੇ ਬਚਾਉਂਦੇ ਹੋ, ਸਗੋਂ ਵਾਤਾਵਰਨ ਨੂੰ ਵੀ ਨੁਕਸਾਨ ਨਹੀਂ ਪਹੁੰਚਾਉਂਦੇ ਪੁਰਾਣੇ ਬੂਟ ਅਤੇ ਬੋਤਲਾਂ ਨੂੰ ਗਮਲਿਆਂ ’ਚ ਬਦਲਣ ਨਾਲ ਇੱਕ ਈਕੋਫਰੈਂਡਲੀ ਲੁੱਕ ਮਿਲਦੀ ਹੈ
ਫ਼ਰਨੀਚਰ ਦੀ ਈਕੋਫਰੈਂਡਲੀ ਚੋਣ:
ਜੇਕਰ ਤੁਸੀਂ ਆਪਣੀ ਬਾਲਕਨੀ ਲਈ ਕੁਝ ਫ਼ਰਨੀਚਰ ਖਰੀਦਣ ਦੀ ਸੋਚ ਰਹੇ ਹੋ, ਤਾਂ ਈਕੋਫਰੈਂਡਲੀ ਮਟੀਰੀਅਲ ਦੀ ਚੋਣ ਕਰੋ ਬਾਂਸ, ਮੁੜ ਵਰਤੋਂ ਕੀਤੇ ਗਏ ਲੱਕੜ ਦੇ ਫ਼ਰਨੀਚਰ, ਜਾਂ ਫਿਰ ਰੀਸਾਈਕਲ ਕੀਤੇ ਗਏ ਮੈਟਲ ਅਤੇ ਪਲਾਸਟਿਕ ਨਾਲ ਬਣੇ ਫ਼ਰਨੀਚਰ ਦੀ ਚੋਣ ਕਰੋ ਇਹ ਨਾ ਸਿਰਫ਼ ਵਾਤਾਵਰਨ ਨੂੰ ਬਚਾਉਣ ’ਚ ਮੱਦਦ ਕਰੇਗਾ, ਸਗੋਂ ਤੁਹਾਡੇ ਬਜਟ ’ਚ ਵੀ ਫਿੱਟ ਹੋ ਜਾਵੇਗਾ ਬਾਂਸ ਦਾ ਫ਼ਰਨੀਚਰ ਖਾਸ ਤੌਰ ’ਤੇ ਈਕੋਫਰੈਂਡਲੀ ਅਤੇ ਟਿਕਾਊ ਹੁੰਦਾ ਹੈ, ਅਤੇ ਇਸ ਦੀ ਖੂਬਸੂਰਤੀ ਵੀ ਬਹੁਤ ਆਕਰਸ਼ਕ ਹੁੰਦੀ ਹੈ
ਸੌਰ ਊਰਜਾ ਨਾਲ ਲਾਈਟਿੰਗ:
ਇੱਕ ਈਕੋਫਰੈਂਡਲੀ ਲਾਈਟਿੰਗ ਵਿਕਲਪ ਦੇ ਤੌਰ ’ਤੇ ਤੁਸੀਂ ਸੋਲਰ ਲਾਈਟਾਂ ਦਾ ਇਸਤੇਮਾਲ ਕਰ ਸਕਦੇ ਹੋ ਇਹ ਸਸਤੀਆਂ ਅਤੇ ਵਾਤਾਵਰਨ ਲਈ ਬਿਹਤਰੀਨ ਹੁੰਦੀਆਂ ਹਨ ਸੋਲਰ ਪੈਨਲ ਨਾਲ ਚੱਲਣ ਵਾਲੀਆਂ ਲਾਈਟਾਂ ਨੂੰ ਤੁਸੀਂ ਆਪਣੀ ਬਾਲਕਨੀ ’ਚ ਲਟਕਾ ਸਕਦੇ ਹੋ, ਜੋ ਰਾਤ ਦੇ ਸਮੇਂ ਇੱਕ ਸੁੰਦਰ ਅਤੇ ਰੋਮਾਂਚਕ ਮਾਹੌਲ ਤਿਆਰ ਕਰਦੀਆਂ ਹਨ ਇਹ ਬਿਜਲੀ ਦਾ ਖਰਚ ਵੀ ਬਚਾਉਂਦੀਆਂ ਹਨ ਅਤੇ ਊਰਜਾ ਲਈ ਬਦਲਵਾਂ ਸਰੋਤ ਪ੍ਰਦਾਨ ਕਰਦੀਆਂ ਹਨ
ਰੀਸਾਈਕਲ ਅਤੇ ਅਪਸਾਈਕਲ:
ਜੇਕਰ ਤੁਹਾਡੇ ਕੋਲ ਪੁਰਾਣਾ ਸਾਮਾਨ ਹੈ, ਤਾਂ ਉਸਨੂੰ ਰੀਸਾਈਕਲ ਜਾਂ ਅਪਸਾਈਕਲ ਕਰਕੇ ਬਾਲਕਨੀ ਦੀ ਸਜਾਵਟ ’ਚ ਇਸਤੇਮਾਲ ਕਰੋ ਜਿਵੇਂ ਪੁਰਾਣੇ ਕੱਪੜੇ ਜਾਂ ਬੈਗ ਨੂੰ ਪੈਂਟਿੰਗ ਲਈ ਵਰਤੋਂ ’ਚ ਲਿਆ ਕੇ ਉਸ ’ਚ ਬੂਟੇ ਲਾ ਸਕਦੇ ਹੋ ਇਸੇ ਤਰ੍ਹਾਂ, ਪੁਰਾਣੀ ਲੱਕੜ, ਭਾਂਡੇ ਜਾਂ ਹੋਰ ਸਾਮਾਨ ਦਾ ਨਵਾਂ ਰੂਪ ਦੇ ਕੇ ਤੁਸੀਂ ਆਪਣੀ ਬਾਲਕਨੀ ਨੂੰ ਸਜਾਉਣ ਦਾ ਕੰਮ ਕਰ ਸਕਦੇ ਹੋ ਇਹ ਨਾ ਸਿਰਫ ਕਿਫਾਇਤੀ ਹੈ, ਸਗੋਂ ਵਾਤਾਵਰਨ ਲਈ ਵੀ ਚੰਗਾ ਹੈ ਕਿਉਂਕਿ ਤੁਸੀਂ ਘੱਟ ਤੋਂ ਘੱਟ ਕਚਰਾ ਪੈਦਾ ਕਰਦੇ ਹੋ
ਈਕੋਫਰੈਂਡਲੀ ਐਕਸੈੱਸਰੀਜ਼:
ਬਾਲਕਨੀ ਦੀ ਸਜਾਵਟ ’ਚ ਛੋਟੀਆਂ-ਛੋਟੀਆਂ ਚੀਜ਼ਾਂ ਵੀ ਬਹੁਤ ਅਹਿਮ ਹੁੰਦੀਆਂ ਹਨ ਤੁਸੀਂ ਪੁਰਾਣੇ ਕੱਪੜੇ ਨਾਲ ਬਣੇ ਮੈਟਸ, ਕੰਬਲ ਅਤੇ ਕੁਸ਼ਨ ਦੀ ਵਰਤੋਂ ਕਰ ਸਕਦੇ ਹੋ ਇਸ ਨਾਲ ਇੱਕ ਆਰਾਮਦਾਇਕ ਵਾਤਾਵਰਨ ਬਣੇਗਾ ਅਤੇ ਨਾਲ ਹੀ ਇਹ ਈਕੋਫਰੈਂਡਲੀ ਵੀ ਹੋਣਗੇ ਇਸੇ ਤਰ੍ਹਾਂ, ਤੁਸੀਂ ਡੈਕੋਰੇਟਿਵ ਚੀਜ਼ਾਂ ਜਿਵੇਂ, ਲੱਕੜ ਦੀ ਹੁੱਕ, ਕੱਪੜੇ ਦੇ ਬੈਗ, ਜਾਂ ਬਾਂਸ ਦੀ ਸਜਾਵਟ ਦੀ ਵਰਤੋਂ ਕਰ ਸਕਦੇ ਹੋ
ਘੱਟ ਬਜਟ ’ਚ ਈਕੋਫਰੈਂਡਲੀ ਤਰੀਕੇ ਨਾਲ ਬਾਲਕਨੀ ਸਜਾਉਣਾ ਨਾ ਸਿਰਫ ਤੁਹਾਡੇ ਘਰ ਦੀ ਸੁੰਦਰਤਾ ਨੂੰ ਵਧਾਉਂਦਾ ਹੈ, ਸਗੋਂ ਵਾਤਾਵਰਨ ਨੂੰ ਵੀ ਬਚਾਉਣ ’ਚ ਅਹਿਮ ਮੱਦਦ ਕਰਦਾ ਹੈ ਬੂਟਿਆਂ ਦਾ ਇਸਤੇਮਾਲ, ਵਰਤਿਆ ਗਿਆ ਸਾਮਾਨ, ਸੌਰ ਊਰਜਾ ਨਾਲ ਚੱਲਣ ਵਾਲੀਆਂ ਲਾਈਟਾਂ ਅਤੇ ਈਕੋਫਰੈਂਡਲੀ ਫ਼ਰਨੀਚਰ ਵਰਗੇ ਤਰੀਕਿਆਂ ਨਾਲ ਤੁਸੀਂ ਆਪਣੀ ਬਾਲਕਨੀ ਨੂੰ ਸੁੰਦਰ ਅਤੇ ਵਾਤਾਵਰਨ ਪ੍ਰਤੀ ਜਿੰਮੇਵਾਰ ਬਣਾ ਸਕਦੇ ਹੋ ਯਾਦ ਰੱਖੋ, ਛੋਟੇ-ਛੋਟੇ ਬਦਲਾਅ ਨਾਲ ਵੱਡੀਆਂ ਸਕਾਰਾਤਮਕ ਤਬਦੀਲੀਆਂ ਹੋ ਸਕਦੀਆਂ ਹਨ, ਅਤੇ ਇਹ ਸਭ ਤੁਸੀਂ ਘੱਟ ਖਰਚ ’ਚ ਕਰ ਸਕਦੇ ਹੋ
