Blood Donation Day ਖੂਨ ਦਾ ਬਦਲ ਸਿਰਫ ਖੂਨਦਾਨ

Blood Donation Day ਖੂਨ ਦਾ ਬਦਲ ਸਿਰਫ ਖੂਨਦਾਨ

ਵਿਸ਼ਵ ਖੂਨਦਾਨ ਦਿਵਸ, ਸਰੀਰ ਵਿਗਿਆਨ ’ਚ ਨੋਬਲ ਪੁਰਸਕਾਰ ਪ੍ਰਾਪਤ ਕਰ ਚੁੱਕੇ ਵਿਗਿਆਨਕ ਕਾਰਲ ਲੈਂਡਸਟਾਈਨ ਦੀ ਯਾਦ ’ਚ ਪੂਰੀ ਦੁਨੀਆਂ ’ਚ ਮਨਾਇਆ ਜਾਂਦਾ ਹੈ ਇਸ ਦਾ ਉਦੇਸ਼ ਖੂਨਦਾਨ ਨੂੰ ਉਤਸ਼ਾਹਿਤ ਕਰਨਾ ਅਤੇ ਉਸ ਨਾਲ ਜੁੜੀਆਂ ਭ੍ਰਾਂਤੀਆਂ ਨੂੰ ਦੂਰ ਕਰਨਾ ਹੈ ਇਸੇ ਦਿਨ 14 ਜੂਨ 1868 ਨੂੰ ਵਿਗਿਆਨਕ ਕਾਰਲ ਲੈਂਡਸਟਾਈਨ ਦਾ ਜਨਮ ਹੋਇਆ ਸੀ ਉਨ੍ਹਾਂ ਨੇ ਇਨਸਾਨੀ ਖੂਨ ’ਚ ਐਗਲਿਊਟੀਨਿਨ ਦੀ ਮੌਜ਼ੂਦਗੀ ਦੇ ਆਧਾਰ ’ਤੇ ਬਲੱਡ ਗਰੁੱਪ ਏ, ਬੀ ਅਤੇ ਓ ਸਮੂਹ ਦੀ ਪਹਿਚਾਣ ਕੀਤੀ ਸੀ ਖੂਨ ਦੇ ਇਸ ਵਰਗੀਕਰਨ ਨੇ ਇਲਾਜ ਵਿਗਿਆਨ ’ਚ ਮਹੱਤਵਪੂਰਨ ਯੋਗਦਾਨ ਦਿੱਤਾ ਇਸੇ ਖੋਜ ਲਈ ਕਾਰਲ ਲੈਂਡਸਟਾਈਨ ਨੂੰ ਸੰਨ 1930 ’ਚ ਨੋਬਲ ਪੁਰਸਕਾਰ ਦਿੱਤਾ ਗਿਆ ਸੀ

‘ਬੇਟਾ, ਤੁਹਾਡਾ ਇਹ ਅਹਿਸਾਨ ਮੈਂ ਕਦੇ ਨਹੀਂ ਭੁਲਾ ਸਕਾਂਗੀ, ਤੂੰ ਮੇਰੇ ਬੱਚੇ ਨੂੰ ਨਵੀਂ ਜ਼ਿੰਦਗੀ ਦਿੱਤੀ ਹੈ’ ਜੀਵਨ ਦੇ 80 ਬਸੰਤ ਦੇਖ ਚੁੱਕੀ ਮਾਤਾ ਲਖਵਿੰਦਰ ਕੌਰ ਦੀ ਬੇਬਸੀ ਇਨ੍ਹਾਂ ਸ਼ਬਦਾਂ ’ਚ ਸਾਫ ਝਲਕ ਰਹੀ ਸੀ ਮਾਤਾ ਜੀ, ਇਹ ਕੋਈ ਅਹਿਸਾਨ ਨਹੀਂ, ਮੈਂ ਤਾਂ ਸਿਰਫ ਫਰਜ਼ ਨਿਭਾਇਆ ਹੈ ਜੇਕਰ ਸ਼ੁਕਰੀਆ ਕਰਨਾ ਹੀ ਹੈ ਤਾਂ ਮੇਰੇ ਸਤਿਗੁਰੂ ਜੀ ਦਾ ਕਰੋ, ਜਿਨ੍ਹਾਂ ਨੇ ਮੇਰੇ ਅੰਦਰ ਖੂਨਦਾਨ ਦੀ ਅਜਿਹੀ ਪ੍ਰੇਰਨਾ ਭਰੀ ਹੈ ਉਨ੍ਹਾਂ ਨੇ ਮੇਰੇ ਹੀ ਨਹੀਂ, ਸਗੋਂ ਮੇਰੇ ਵਰਗੇ ਲੱਖਾਂ-ਕਰੋੜਾਂ ਲੋਕਾਂ ’ਚ ਇਨਸਾਨੀਅਤ ਦਾ ਅਜਿਹਾ ਅਨੋਖਾ ਜਜ਼ਬਾ ਭਰਿਆ ਹੈ

Also Read:

• World Blood Donor Day | ਖੂਨਦਾਨ ਕਰਕੇ ਮਾਨਵਤਾ ਦੇ ਹਿੱਤ ’ਚ ਕੰਮ ਕਰੋ
• ਬੂੰਦ-ਬੂੰਦ ਇਨਸਾਨੀਅਤ ਨੂੰ ਸਮਰਪਿਤ

ਜੋ ਖੁਦ ਦੀ ਜਾਨ ਦੀ ਪਰਵਾਹ ਕੀਤੇ ਬਿਨਾਂ ਦੂਜਿਆਂ ਦੇ ਦੁੱਖ-ਦਰਦ ’ਚ ਮੱਦਦਗਾਰ ਬਣਦੇ ਹਨ ਖੂਨਦਾਨ ਕਰਨ ਪਹੁੰਚੇ ਇੱਕ ਅਣਜਾਨ ਵਿਅਕਤੀ ਤੋਂ ਇਹ ਗੱਲ ਸੁਣ ਕੇ ਉਹ ਬਜ਼ੁਰਗ ਹੈਰਾਨ ਰਹਿ ਗਈ ਸਮਾਜ ’ਚ ਅੱਜ ਅਜਿਹੇ ਲੱਖਾਂ ਉਦਾਹਰਨ ਦੇਖਣ-ਸੁਣਨ ਨੂੰ ਮਿਲ ਜਾਣਗੇ ਅਜਿਹੇ ਵਿਚਾਰ ਅਤੇ ਸੋਚ ਦਾ ਧਨੀ ਡੇਰਾ ਸੱਚਾ ਸੌਦਾ ਖੂਨਦਾਨ ਦੇ ਖੇਤਰ ’ਚ ਹਮੇਸ਼ਾ ਮੁੱਖ ਭੂਮਿਕਾ ’ਚ ਨਜ਼ਰ ਆਇਆ ਹੈ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀਆਂ ਪਾਵਨ ਸਿੱਖਿਆਵਾਂ ਦਾ ਪਾਲਣ ਕਰਦੇ ਹੋਏ ਡੇਰਾ ਸੱਚਾ ਸੌਦਾ ਦੇ ਸ਼ਰਧਾਲੂ ਖੂਨਦਾਨ ਦੇ ਖੇਤਰ ’ਚ ਕਈ ਰਿਕਾਰਡ ਬਣਾ ਚੁੱਕੇ ਹਨ

ਖਾਸ ਗੱਲ ਇਹ ਵੀ ਹੈ ਕਿ ਡੇਰਾ ਸੱਚਾ ਸੌਦਾ ਦੇ ਸੇਵਾਦਾਰਾਂ ਦੇ ਅਜਿਹੇ ਸੇਵਾਭਾਵ ਨੂੰ ਦੇਖਦੇ ਹੋਏ ਸੰਤ ਡਾ. ਐੱਮਐੈੱਸਜੀ ਨੇ ਉਨ੍ਹਾਂ ਨੂੰ ਚੱਲਦਾ-ਫਿਰਦਾ ਬਲੱਡ ਪੰਪ ਦਾ ਨਾਂਅ ਦਿੱਤਾ ਹੈ ਵਾਕਈ ’ਚ ਸੇਵਾਦਾਰਾਂ ਦਾ ਖੂਨਦਾਨ ਪ੍ਰਤੀ ਜਜ਼ਬਾ ਕਮਾਲ ਦਾ ਹੈ ਇਹ ਲੋਕ ਕਦੇ ਇਹ ਨਹੀਂ ਦੇਖਦੇ ਕਿ ਮਰੀਜ਼ ਕਿਸ ਧਰਮ, ਕਿਸ ਜਾਤ ਜਾਂ ਪਾਤ ਦਾ ਹੈ, ਇਨ੍ਹਾਂ ਦਾ ਮਕਸਦ ਸਿਰਫ ਇੱਕ ਹੀ ਹੁੰਦਾ ਹੈ ਕਿ ਖੂਨ ਦੀ ਕਮੀ ਨਾਲ ਕਿਸੇ ਨੂੰ ਜਾਨ ਨਹੀਂ ਗੁਆਉਣ ਦੇਵਾਂਗੇ ਇਹ ਸੇਵਾਦਾਰ ਜ਼ਰੂਰਤ ਪੈਣ ’ਤੇ ਹਜ਼ਾਰਾਂ ਕਿਲੋਮੀਟਰ ਦਾ ਸਫਰ ਤੈਅ ਕਰਕੇ ਵੀ ਖੂਨਦਾਨ ਕਰਨ ਲਈ ਪਹੁੰਚ ਜਾਂਦੇ ਹਨ ਡੇਰਾ ਸੱਚਾ ਸੌਦਾ ਦੇ ਸ਼ਰਧਾਲੂ ਹਰ ਰੋਜ਼ ਜ਼ਖਮੀਆਂ, ਗਰਭਵਤੀ ਔਰਤਾਂ ਲਈ ਖੂਨਦਾਨ ਕਰਦੇ ਰਹਿੰਦੇ ਹਨ ਇਹੀ ਨਹੀਂ, ਦੇਸ਼ ਦੀ ਫੌਜ, ਪੁਲਿਸ ਵਿਭਾਗ ਤੋਂ ਇਲਾਵਾ ਥੈਲੀਸੀਮੀਆ ਮਰੀਜਾਂ ਲਈ ਵੀ ਰੈਗੂਲਰ ਖੂਨਦਾਨ ਕੀਤਾ ਜਾਂਦਾ ਹੈ

ਡੇਰਾ ਸੱਚਾ ਸੌਦਾ ਦੀ ਇਸ ਖੂਨਦਾਨ ਮੁਹਿੰਮ ਦਾ ਅਹਿਮ ਪਹਿਲੂ ਇਹ ਵੀ ਹੈ ਕਿ ਡੇਰਾ ਸ਼ਰਧਾਲੂ ਹਿੰਦੁਸਤਾਨ ਹੀ ਨਹੀਂ, ਸਗੋਂ ਵਿਦੇਸ਼ਾਂ ’ਚ ਵੀ ਇਸ ਨਿਹਸਵਾਰਥ ਫਰਜ਼ ਨੂੰ ਬੜੇ ਮਾਣ ਨਾਲ ਨਿਭਾਉਂਦੇ ਹਨ ਜ਼ਿਕਰਯੋਗ ਹੈ ਕਿ ਡੇਰਾ ਸੱਚਾ ਸੌਦਾ ਨੂੰ ਖੂਨਦਾਨ ਦੇ ਖੇਤਰ ’ਚ ਜ਼ਿਕਰਯੋਗ ਉਪਲੱਬਧੀ ਹਾਸਲ ਕਰਨ ’ਤੇ ‘ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡਸ’ ਵੱਲੋਂ ਤਿੰਨ ਵਾਰ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ

ਕਹਿੰਦੇ ਹਨ ਕਿ ਈਸ਼ਵਰ ਨੇ ਜੇਕਰ ਤੁਹਾਨੂੰ ਤੁਹਾਡੇ ਲਈ ਜ਼ਿੰਦਗੀ ’ਚ ਜੇਕਰ ਕੁਝ ਜ਼ਿਆਦਾ ਜਾਂ ਵਾਧੂ ਦਿੱਤਾ ਹੈ ਤਾਂ ਉਸ ਦਾ ਦਾਨ ਕਰਦੇ ਰਹਿਣਾ ਚਾਹੀਦਾ ਹੈ ਭਾਵੇਂ ਸਮਾਂ ਹੋਵੇ ਜਾਂ ਖੂਨ (ਬਲੱਡ) ਹੋਵੇ! ਦਰਅਸਲ ਖੂਨ ਇੱਕ ਅਜਿਹੀ ਚੀਜ਼ ਹੈ, ਜਿਸ ਦਾ ਕੋਈ ਬਦਲ ਨਹੀਂ ਹੈ ਗੰਭੀਰ ਬਿਮਾਰੀ ਹੋਵੇ ਜਾਂ ਹਾਦਸੇ ’ਚ ਖੂਨ ਦੀ ਕਮੀ ਨਾਲ ਭਾਰਤ ’ਚ ਹਰ ਸਾਲ 30 ਲੱਖ ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਜਾਂਦੀ ਹੈ, ਜਦਕਿ ਇਸ ਕਮੀ ਨੂੰ ਸਿਰਫ ਇੱਕ ਫੀਸਦੀ ਅਬਾਦੀ ਖੂਨਦਾਨ ਕਰਕੇ ਪੂਰਾ ਕਰ ਸਕਦੀ ਹੈ

ਹੈਰਾਨੀ ਦੀ ਗੱਲ ਹੈ ਕਿ ਵਿਸ਼ਵ ਦੀ ਸਭ ਤੋਂ ਵੱਡੀ ਅਬਾਦੀ ਵਾਲਾ ਦੇਸ਼ ਹੋਣ ਦੇ ਬਾਵਜ਼ੂਦ ਭਾਰਤ ਖੂਨਦਾਨ ’ਚ ਕਾਫੀ ਪਿੱਛੇ ਹੈ ਇੱਥੋਂ ਤੱਕ ਕਿ ਸਾਡੇ ਗੁਆਂਢੀ ਦੇਸ਼ ਵੀ ਇਸ ਮਹਾਂਦਾਨ ’ਚ ਸਾਡੇ ਤੋਂ ਬਹੁਤ ਅੱਗੇ ਹਨ ਖੂਨ ਦੀ ਕਮੀ ਨੂੰ ਖ਼ਤਮ ਕਰਨ ਲਈ ਦੁਨੀਆਂਭਰ ’ਚ 14 ਜੂਨ ਨੂੰ ਵਿਸ਼ਵ ਖੂਨਦਾਨ ਦਿਵਸ ਮਨਾਇਆ ਜਾਂਦਾ ਹੈ ਜ਼ਿਕਰਯੋਗ ਹੈ ਕਿ ਪੂਰੀ ਦੁਨੀਆਂ ’ਚ ਹਰ ਸਾਲ ਕਰੀਬ 10 ਕਰੋੜ ਲੋਕ ਖੂਨਦਾਨ ਕਰਦੇ ਹਨ ਭਾਰਤ ’ਚ ਹਰ ਸਾਲ ਬਿਮਾਰੀਆਂ ਜਾਂ ਗੰਭੀਰ ਹਾਦਸਿਆਂ ’ਚ ਜ਼ਖਮੀ ਲੋਕਾਂ ਨੂੰ ਕਰੀਬ ਇੱਕ ਕਰੋੜ ਵੀਹ ਲੱਖ ਯੂਨਿਟ ਖੂਨ ਦੀ ਜ਼ਰੂਰਤ ਪੈਂਦੀ ਹੈ ਇਸ ’ਚੋਂ ਸਿਰਫ 90 ਲੱਖ ਯੂਨਿਟ ਖੂਨ ਹੀ ਉਪਲੱਬਧ ਹੋ ਪਾਉਂਦਾ ਹੈ ਅਤੇ ਕਰੀਬ 30 ਲੱਖ ਲੋਕਾਂ ਨੂੰ ਸਮੇਂ ’ਤੇ ਖੂਨ ਨਹੀਂ ਮਿਲ ਪਾਉਂਦਾ ਹੈ

ਅੰਕੜੇ ਦੱਸਦੇ ਹਨ ਕਿ ਖੂਨਦਾਨ ਪ੍ਰਤੀ ਛੋਟੀ ਜਿਹੀ ਜਾਗਰੂਕਤਾ ਇਸ ਸਮੱਸਿਆ ਨੂੰ ਪੂਰੀ ਤਰ੍ਹਾਂ ਖਤਮ ਕਰ ਸਕਦੀ ਹੈ ਕਿਉਂਕਿ ਖੂਨਦਾਨ ਦੀ ਕਮੀ ਨਾਲ ਭਾਰਤ ’ਚ ਹਰ ਛੇਵੇਂ ਮਿੰਟ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਜਾਂਦੀ ਹੈ ਭਾਰਤ ’ਚ ਜਿੱਥੇ ਖੂਨਦਾਨ ਨਾਲ ਜ਼ਰੂਰਤ ਦਾ ਸਿਰਫ 75 ਫੀਸਦ ਖੂਨ ਹੀ ਇਕੱਠਾ ਹੁੰਦਾ ਹੈ, ਉੱਥੇ ਹੀ ਗੁਆਂਢੀ ਦੇਸ਼ ਇਸ ਮਾਮਲੇ ’ਚ ਕਾਫੀ ਅੱਗੇ ਹਨ ਨੇਪਾਲ ’ਚ ਜ਼ਰੂਰਤ ਦਾ 90 ਫੀਸਦ ਖੂਨਦਾਨ ਹੁੰਦਾ ਹੈ ਸ਼੍ਰੀਲੰਕਾ ’ਚ ਜ਼ਰੂਰਤ ਦਾ 60 ਫੀਸਦ, ਥਾਈਲੈਂਡ ’ਚ 95 ਫੀਸਦ, ਇੰਡੋਨੇਸ਼ੀਆ ’ਚ 77 ਫੀਸਦ ਅਤੇ ਮਿਆਂਮਾਰ ’ਚ ਕੁੱਲ ਜ਼ਰੂਰਤ ਦਾ 60 ਫੀਸਦ ਖੂਨਦਾਨ ਹੁੰਦਾ ਹੈ ਭਾਰਤ ਖੂਨਦਾਨ ’ਚ ਭਲੇ ਬਹੁਤ ਪਿੱਛੇ ਹੈ, ਪਰ ਇੱਥੇ ਵੀ ਲੋਕਾਂ ’ਚ ਤੇਜ਼ੀ ਨਾਲ ਜਾਗਰੂਕਤਾ ਵਧ ਰਹੀ ਹੈ ਲੋਕ ਸਭਾ ’ਚ ਪੇਸ਼ ਦਸਤਾਵੇਜ਼ ਅਨੁਸਾਰ 2016-17 ’ਚ ਦੇਸ਼ ’ਚ ਕੁੱਲ 1,10,94,145 ਕਰੋੜ ਯੂਨਿਟ ਬਲੱਡ ਜਮ੍ਹਾ ਕੀਤਾ ਗਿਆ,

ਜਦਕਿ ਦੇਸ਼ ਨੂੰ ਜ਼ਰੂਰ ਸੀ 1,30,57,269 ਕਰੋੜ ਯੂਨਿਟ ਦੀ ਭਾਵ 15 ਫੀਸਦੀ (1,19,63,124 ਯੂਨਿਟ) ਖੂਨ ਦੀ ਕਮੀ ਰਹਿੰਦੀ ਹੈ ਵਿਸ਼ਵ ਸਿਹਤ ਸੰਗਠਨ (ਡਬਲਿਊਐੱਚਓ) ਅਨੁਸਾਰ ਹਰ ਯੂਨਿਟ ’ਚ 450 ਮਿਲੀਲੀਟਰ ਖੂਨ ਹੁੰਦਾ ਹੈ, ਭਾਵ ਹਰ ਸਾਲ ਦੇਸ਼ ’ਚ 8,83,405 ਲੀਟਰ ਖੂਨ ਦੀ ਕਮੀ ਰਹਿੰਦੀ ਹੈ ਖੂਨਦਾਨ ਦੇ ਖੇਤਰ ’ਚ ਹੋਰ ਵਾਧਾ ਹੋ ਸਕਦਾ ਹੈ, ਕਿਉਂਕਿ ਔਰਤਾਂ ਚਾਹ ਕੇ ਵੀ ਖੂਨਦਾਨ ਨਹੀਂ ਕਰ ਪਾ ਰਹੀਆਂ ਹਨ ਮੈਡੀਕਲ ਅਣਫਿੱਟ ਹੋਣ ਦੇ ਚੱਲਦਿਆਂ ਔਰਤਾਂ ’ਚ ਸਵੈ-ਇਛੁੱਕ ਖੂਨਦਾਨ ’ਚ ਕਰੀਬ 10 ਫੀਸਦ ਹੀ ਸਹਿਯੋਗ ਰਹਿੰਦਾ ਹੈ ਮੈਡੀਕਲ ਮਾਹਿਰਾਂ ਦੀ ਮੰਨੀਏ ਤਾਂ ਜ਼ਿਆਦਾਤਰ ਔਰਤਾਂ ਦਾ ਹੀਮੋਗਲੋਬਿਨ 12.5 ਗ੍ਰਾਮ ਤੋਂ ਘੱਟ ਹੁੰਦਾ ਹੈ, ਜੋ ਖੂਨਦਾਨ ਲਈ ਜ਼ਰੂਰੀ ਹੈ ਮਾਹਿਰਾਂ ਦੀ ਰਿਸਰਚ ’ਚ ਸਾਬਤ ਹੋ ਚੁੱਕਾ ਹੈ ਕਿ ਖੂਨਦਾਨ ਨਾਲ ਸਰੀਰ ’ਚ ਕਿਸੇ ਤਰ੍ਹਾਂ ਦੀ ਕਮਜ਼ੋਰੀ ਨਹੀਂ ਹੁੰਦੀ ਹੈ ਗਰਮੀਆਂ ’ਚ ਵੀ ਖੂਨਦਾਨ ਨਾਲ ਕੋਈ ਕਮਜ਼ੋਰੀ ਨਹੀਂ ਆਉਂਦੀ ਇਹ ਵੱਖਰੀ ਗੱਲ ਹੈ ਕਿ ਲੋਕ ਧੁੱਪ ਅਤੇ ਗਰਮੀ ਨੂੰ ਦੇਖ ਕੇ ਖੂਨਦਾਨ ਕਰਨ ਤੋਂ ਬਚਦੇ ਹਨ ਜਦਕਿ ਗਰਮੀਆਂ ’ਚ ਖੂਨ ਦੀ ਡਿਮਾਂਡ ਕਾਫੀ ਵਧ ਜਾਂਦੀ ਹੈ